कोरोना महासंकट : सरकारी कर्मचाऱ्यांना धक्का ५० ते ७५ टक्के वेतन कपात, उपमुख्यमंत्री आणि अर्थमंत्री अजित पवार यांनी वेतन माहिती दिली.
कोरोना महासंकट : सरकारी कर्मचाऱ्यांना धक्का ५०% ते ७५% वेतन कपात ; उपमुख्यमंत्री आणि अर्थमंत्री अजित पवार यांनी वेतन माहिती दिली.
मुंबई: कोरोनामुळे राज्यापुढे आर्थिक संकट उभं आहे. तर यापूर्वीचं राज्यावर साडेचार लाख कोटी रूपयांचं कर्ज आहे. यामुळे सरकारने त्यांच्या कर्मचाऱ्यांचा वेतन कपातीचा निर्णय घेतला असल्याचे समजते.
पहिल्यांदाच मार्च महिन्यात मुख्यमंत्र्यांसह सर्व लोकप्रतनिधीं सुद्धा ठरणार वेतन कपातीत, राज्य सरकारी कर्मचाऱ्यांच्या वेतनातून ५० ते ७५ टक्के वेतन कपात केली जाणार आहे. यात सर्वात महत्वाचं म्हणजे चतुर्थ श्रेणी कर्मचाऱ्यांच्या वेतनात कोणतीही कपात केली जाणार नाही.
'क' वर्ग श्रेणीत असणाऱ्या कर्मचाऱ्यांच्या वेतनात २५ टक्के कपात केली जाणार आहे. 'अ' वर्ग श्रेणी आणि 'ब' वर्ग श्रेणीत येणाऱ्या अधिकाऱ्यांच्या वेतनात ७५ पासून ते ५० टक्क्यांपर्यंत कपात केली जाणार आहे. तर 'ड' वर्गाच्या कर्मचाऱ्यांच्या वेतनात कोणतीही कपात करण्यात आलेली नाही.
तर दुसरीकडे लोकप्रतिनिधींच्या वेतनातही ६० टक्के कपात होणार आहे.
राज्य शासकीय अधिकारी-कर्मचारी संघटनांच्या प्रतिनिधींशी चर्चा करुन हा निर्णय घेण्यात आल्याची माहिती अजित पवारांनी दिली. कामगार संघटनांशी चर्चेनंतर हा निर्णय घेतला असल्याचं अर्थमंत्री अजित पवार यांनी म्हटलं आहे.
"विधीमंडळाच्या दोन्ही सभागृहांचे तसेच राज्यातील सर्व स्थानिक स्वराज संस्थांचे अध्यक्ष, पदाधिकारी, सदस्य तसेच राज्यातील सर्व शासकीय अधिकारी, कर्मचारी या निर्णयाला पाठिंबा, सहकार्य देतील," असा विश्वास उपमुख्यमंत्र्यांनी व्यक्त केला आहे.