सामाजिक न्यायमंत्री धनंजय मुंडे यांनी उपाययोजना आखण्यात आली राज्यातील दिव्यांगांना एक महिन्याचे रेशन :
सामाजिक न्यायमंत्री धनंजय मुंडे यांनी उपाययोजना आखण्यात आली राज्यातील दिव्यांगांना एक महिन्याचे रेशन:
कोरोना विषाणूच्या संकटकाळी राज्यातील दिव्यांग बांधवांना दिलासा देण्यासाठी सामाजिक न्याय विभागामार्फत विशेष उपाययोजना आखण्यात आली आहे. कोरोनाच्या लढाईत सर्व दिव्यांग बांधवांची विशेष काळजी घेणे आवश्यक असल्याने हा निर्णय घेण्यात आला असल्याचे राज्याचे सामाजिक न्यायमंत्री धनंजय मुंडे यांनी म्हटले आहे.
लॉकडाऊनच्या कालावधीत हालचाल न करू शकणार्‍या दिव्यांगांना एक महिन्याचे रेशन व आरोग्यविषयक किट घरपोच वाटप करण्यात येणार असून, यामध्ये धान्य, कडधान्य, डाळी, तांदूळ, तेल इत्यादी साहित्यासह सॅनिटायझर, मास्क, रुमाल, साबण, डेटॉल, फिनेल, अशा आरोग्यविषयक साहित्याचा समावेश असणार आहे.
हे आरोग्यविषयक साहित्य त्या - त्या जिल्ह्याच्या स्थानिक दिव्यांग कल्याण निधीतून पुरविण्यात यावे, असेही सूचित करण्यात आले आहे. राज्य दिव्यांग कल्याण मंडळाच्या आयुक्तांनी याबाबतचे निर्देश सर्व विभागीय आयुक्तांमार्फत राज्यातील सर्व जिल्हाधिकार्‍यांना पाठवले आहेत.
इतर दिव्यांग व्यक्तींना हे साहित्य नजीकच्या रेशन दुकानातून उपलब्ध करून देण्यात यावे व दिव्यांग व्यक्ती स्वतः किंवा त्यांच्या कुटुंबातील एक व्यक्ती विना रांग हे साहित्य घेऊ शकणार आहे. याशिवाय ज्या ज्या ठिकाणी ङ्गकम्युनिटी किचनफ किंवा तत्सम सुविधा सुरू आहेत किंवा प्रस्तावित आहेत, त्या ठिकाणी गरजू दिव्यांग व्यक्तींना घरपोच जेवण, नाश्ता डबे पुरविण्यात येणार आहेत.
दिव्यांग व्यक्तींना बँका, पतसंस्था किंवा कोणत्याही वित्तीय संस्थांमध्ये विनारांग सुविधा देण्यात याव्या, असेही या निर्णयाद्वारे सांगण्यात आले आहे. मनोरुग्ण, बेवारस किंवा निराश्रित असलेल्या व्यंग.