कोरोना महासंकट : पनवेलमधील कोरोना विषाणूचे २९ रूग्ण झाले बरे; पण काही क्षेत्रामध्ये कोरोनाच्या नवीन रूग्णांची भर :
कोरोना महासंकट : पनवेलमधील कोरोना विषाणूचे २९ रूग्ण झाले बरे; पण काही क्षेत्रामध्ये कोरोनाच्या नवीन रूग्णांची भर :
कळंबोली, नवीन पनवेल, उलवे येथे आढळले कोरोनाचे नवीन रूग्ण, तर आतापर्यंत पनवेलमधील २९ रूग्ण बरे देखील झाले.
पनवेल : पनवेल महापालिका हद्दीत २ नवीन कोरोनाबाधित रूग्णांची नोंद झाली आहे. कळंबोली L.I.G. कॉलनी येथील ३९ वर्षीय १ व्यक्ती कोरोना पॉझिटिव्ह अढळली असून ही व्यक्ती मुंबई महापालिकेत सफाई कामगार म्हणून कार्यरत आहे. कामाच्या ठिकाणी या रूग्णाला संसर्ग झाल्याचा प्राथमिक निष्कर्ष आहे. याशिवाय नविन पनवेल सेक्टर-६ येथील ५१ वर्षीय व्यक्तीला देखील कोरोनाची लागण झाली असून ही व्यक्ती आर्मी रिटायर्ड असून नवीन पनवेलमधील पॅनेसिया हॉस्पिटल येथे गेल्यामुळे संक्रमण झाल्याचा प्राथमिक निष्कर्ष आहे. तसेच उलवे येथील सेक्टर-१० बी येथील एका महिलेला कोरोनाची लागण झाली असून सदर महिला सायन हॉस्पिटलमध्ये नर्स म्हणून कार्यरत असून कामाच्या ठिकाणी किंवा प्रवासा दरम्यान कोरोनाचा संसर्ग झाल्याचा प्राथमिक अंदाज आहे.
दरम्यान, पनवेल महापालिका हद्दीतील एकूण २४ तर उर्वरित ग्रामीण भागातील ५ रूग्ण पुर्णपणे बरे झाले आहेत. पनवेल महापालिका हद्दीतील आज ३ कोरोनाबधित रूग्ण पुर्णपणे बरे झाले आहेत. त्यांना डिस्चार्ज देण्यात आला आहे. त्यामध्ये तळोजा फेज-१ येथील २७ वर्षीय व्यक्ती, कळंबोली येथील ६८ वर्षीय महिला आणि खारघरमधील ३६ वर्षीय व्यक्ती पूर्णपणे बरे झाल्याने त्यांना डिस्चार्ज देण्यात आला आहे. सध्या पनवेल महापालिका हद्दीत कोरोना विषाणूच्या ३२ ॲक्टीव्ह केसेस आहेत, परंतु दिलासादायक बातमी म्हणजे २४ रूग्ण बरे होऊन घरी परतले आहेत.
महत्त्वाची टीप : सर्वांनी आपली काळजी घ्या, घरी सुरक्षित रहा, पौष्टिक आहार घ्या, सतत गरम पाणी प्या, तसेच दररोज नियमित व्यायम करा आणि कोरोना पासुन दहा हात लांब रहा.