कोरोना महासंकट : नवी मुंबईत उपचारादरम्यान झाला मृत्यू ; करोनानं घेतला पोलिस कर्मचाऱ्याचा बळी..!!
पोलिस दलातील कामोठे या विभागामध्ये राहणारे ५३ वर्षीय पोलीस कर्मचारी यांचा रविवारी करोना विषाणूमुळे मृत्यु झाला, तसेच मुंबई येथील वकोला पोलिस ठाण्यातील ५२ वर्षीय हेड कान्स्टेबलचा यांचा देखील शनिवारी करोनामुळे मृत्यू झाला.
नवी मुंबई : देश भरात करोनाचा प्रादुर्भाव वाढत असताना त्याविरोधात समोर लढत असलेले डॉक्टर्स आणि पोलिसांना याचा सर्वाधिक धोका निर्माण झाला आहे. राज्य पोलीस दलातील २ कर्मचाऱ्यांचा यापूर्वी करोनामुळं मृत्यू झाला होता. त्यानंतर आता नवी मुंबईतील एका पोलीस कर्मचाऱ्याचा मृत्यू झाल्याचे वृत्त देखील समोर आले आहे.
सुत्रांच्या मिळालेल्या माहितीनुसार, पनवेल महापालिका क्षेत्रातील कामोठे या विभागामध्ये राहणारे ५३ वर्षीय पोलीस कर्मचारी दररोज मुंबई ते कामोठे असा एसटी प्रवास करुन आपले कर्तव्य बजावत होते. त्यांना प्रवासादरम्यान कोरोनाची बाधा झाली होती. त्यांच्यावर कामोठे येथील एमजीएम रुग्णालयात त्यांच्यावर उपचार सुरु होते. दरम्यान, रविवारी त्यांची प्राणज्योत मालवली.
या पोलीस कर्मचाऱ्यावर यापूर्वी कर्करोगाचे उपचार सुरु होते. तरीही ते मागील अनेक दिवसांपासून आपले कर्तव्य बजावत होते. पोलीस कर्मचाऱ्याच्या मृत्यूच्या घटनेबरोबरच रविवारी पालिका क्षेत्रात ३ नव्या कोरोनाबाधितांची भर पडली. त्यामुळे इथला करोनाबाधितांचा आकडा ५२ वर पोहचला आहे. यामध्ये कामोठे, पनवेल आणि खारघर अशा तीन वेगवेगळ्या वसाहतींमध्ये राहणारे हे रुग्ण आहेत.
कामोठे येथील रुग्णांपैकी एक रुग्ण ५१ वर्षीय बेस्टचालक, दुसरा रुग्ण पनवेल शहरातील रहिवासी असलेली आणि मुंबईतील राजेवाडी रुग्णालयात स्टाफनर्स म्हणून काम करणारी ५० वर्षीय महिला तसेच तिसरा रुग्ण ४३ वर्षीय पुरुष असून तो खारघरमधील रहिवासी आहे तसेच सनदी लेखापाल म्हणून काम करतो. मुंबईत त्यांना कामादरम्यान करोनाची लागण झाल्याचे पालिकेने स्पष्ट केले. मागील तीन दिवसांपासून पालिका क्षेत्रात राहणारे मात्र अत्यावश्यक सेवेसाठी घराबाहेर असणारे पोलीस, पत्रकार, वैद्यकीय क्षेत्रातील कर्मचारी, डॉक्टर, चालक अशा रुग्णांना कोरोनाची बाधा होत असल्याचे चाचणी दरम्यान स्पष्ट होत आहे.
करोनामुळे राज्य पोलीस दलातील पहिला बळी शुक्रवारी रात्री गेला होता. मुंबईच्या वाकोला पोलीस ठाण्यात नेमणुकीस असलेले ५७ वर्षीय हवालदार नायर रुग्णालयात उपचारांदरम्यान मृत्यू पावले होते. त्यानंतर शनिवारी करोनामुळं मुंबई पोलिस दलातील ५२ वर्षीय हेड कान्स्टेबलचा यांचा देखील मृत्यू झाला होता.
महत्त्वाची टीप : सर्वांनी आपली काळजी घ्या, घरी सुरक्षित रहा, पौष्टिक आहार घ्या, सतत गरम पाणी प्या, तसेच दररोज नियमित व्यायम करा आणि कोरोना पासुन दहा हात लांब रहा.