कोरोना महासंकट : पंतप्रधानांन कडून लॉकडाऊन ४ ची घोषणा; १८ मे पुर्वी ठाकरे सरकार त्याबाबत चे नियम जाहीर करणार...!!!
कोरोना महासंकट : पंतप्रधानांन कडून लॉकडाऊन ४ ची घोषणा; १८ मे पुर्वी ठाकरे सरकार त्याबाबत चे नियम जाहीर करणार...!!!
नवी मुंबई : मुख्यमंत्री उद्धव ठाकरे यांनी बोलावलेली महाविकास आघाडीची बैठक झाली. या बैठकीत अनेक महत्त्वाच्या विषयांवर चर्चा झाली. लॉकडाऊन आणि अर्थव्यवस्थेचा गाडा रुळावर कसा आणता येईल याबाबतची चर्चा या बैठकीत झाला. या बैठकीला महाविकास आघाडीच्या नेत्यांसह मुख्य सचिव अजॉय मेहता आणि मुंबई पोलीस आयुक्त परमबीर सिंह उपस्थित होते.
या बैठकीत झोननुसार कुठल्या गोष्टी सुरु करता येतील आणि कुठल्या नाही यावर चर्चा झाली. अर्थव्यवस्थेसंदर्भात अभ्यास करण्यासाठी जी समिती स्थापन करण्यात आली होती, त्या समितीच्या अहवालावर मंथन झालं. पंतप्रधान नरेंद्र मोदी यांनी चौथ्या लॉकडाऊनची घोषणा केली आहे. त्याबाबतचे नियम १८ मेपूर्वी जाहीर करु, असं त्यांनी सांगितलं आहे. त्या पार्श्वभूमीवरही महाविकास आघाडीच्या नेत्यांमध्ये चर्चा झाल्याचं देखील सांगण्यात येत आहे.
मुंबई मधील शिवाजी पार्क येथील बाळासाहेब ठाकरे राष्ट्रीय स्मारकाच्या जागेत ही बैठक झाली. यावेळी मुख्यमंत्री उद्धव ठाकरे, उपमुख्यमंत्री अजित पवार, जलसंपदा मंत्री जयंत पाटील, सार्वजनिक बांधकाम मंत्री अशोक चव्हाण, महसूल मंत्री बाळासाहेब थोरात यांच्यासह वरिष्ठ प्रशासकीय आणि पोलीस अधिकारी उपस्थित होते.
पंतप्रधान मोदींकडून लॉकडाऊन ४ ची घोषणा :
पंतप्रधान नरेंद्र मोदी यांनी लॉकडाऊनच्या पार्श्वभूमीवर पुन्हा एकदा देशाला संबोधित केलं. दोन दिवसापूर्वी जनतेशी केलेल्या संबोधनावेळी पंतप्रधान नरेंद्र मोदी यांनी लॉकडाऊन ४ ची घोषणा केली होती. लॉकडाऊन ४ हा नव्या नियमांसह असेल, त्याचे नियम १८ मे पूर्वी जाहीर करु असं मोदींनी सांगितलं. सध्या चालू असलेला लॉकडाऊन ३ हा १७ मे रोजी संपणार आहे. मात्र त्यापूर्वीच मोदींनी लॉकडाऊन ४ ची घोषणा केली. यावेळी पंतप्रधान मोदींनी स्वावलंबी भारतचा नारा देऊन, स्वावलंबी भारत अभियानासाठी २० लाख कोटीच्या पॅकेजची घोषणा करण्यात आली.
महत्त्वाची टीप : सर्वांनी आपली काळजी घ्या, घरी सुरक्षित रहा, पौष्टिक आहार घ्या, सतत गरम पाणी प्या, तसेच दररोज नियमित व्यायम करा आणि कोरोना पासुन दहा हात लांब रहा.