कोरोना महासंकट : पनवेल ग्रामीण भागामध्ये कोरोनाचे नवीन ३२ नवे रूग्ण; तर ४ जणांना रूग्णालयातून घरी सोडण्यात आले आहे:
कोरोना महासंकट : पनवेल ग्रामीण भागामध्ये कोरोनाचे नवीन ३२ नवे रूग्ण; तर ४ जणांना रूग्णालयातून घरी सोडण्यात आले आहे:
पनवेल : पनवेल ग्रामीण भागामध्ये २८ जून रोजी कोरोनाच्या नवीन ३२ रूग्णांची नोंद झाली असून ४ रूग्ण पुर्णपणे बरे झाल्याने त्यांना घरी सोडण्यात आले आहे. आज आढळलेल्या रूग्णांमध्ये उलवे येथील ५, पळस्पे येथील ३, करंजाडे येथील ३, पडघे (कोळवाडी) येथील २, आकुर्ली येथील २, पारगाव येथील २, कोन येथील २, तसेच आदई, कोप्रोली, सुकापुर, वावंजे, मोरबे, तूराडे, शेलघर, सावळे, कोपर, विचुंबे, केळवणे, कानपोली, मानघर येथील प्रत्त्येकी एका रुग्णाचा समावेश आहे. दरम्यान, पनवेल ग्रामीणमधील आजपर्यंतच्या एकूण ५८८ कोरोनाबाधित रूग्णांपैकी एकूण ३२४ जणांना घरी सोडण्यात आले आहे तर १६ जणांचा कोरोनामुळे दुर्दैवी मृत्यू झाला आहे. सध्या पनवेल ग्रामीणमध्ये कोरोनाच्या २४८ ऐक्टिव केसेस आहेत.
उलवे मध्ये कोरोनाचे नवीन ५ नवे रूग्ण :
उलवे, बी ७०२ क्वालिटी एक्सटेसा हौसिंग सोसायटीतील ४२ वर्षीय व्यक्तीला कोरोनाची लागण झाली आहे. वाशी येथे पीएफ ऑफिसर म्हणून कार्यरत असलेल्या या व्यक्तीला कामाच्या ठिकाणी संसर्ग झाल्याचा प्राथमिक निष्कर्ष आहे. तसेच येथील (वरील पत्ता) १३ वर्षीय आणि ७ वर्षीय मुली कोरोना पॉझिटिव्ह आल्या असून स्थानिक ठिकाणी संसर्ग झाल्याचा प्राथमिक निष्कर्ष आहे. याशिवाय उलवे, डेल्टा टॉवर, सेक्टर-८ येथील ५९ वर्षीय महिलेसह ६० वर्षीय पुरूषाला कोरोनाची लागण झाली आहे. दोघेही नागोठणे येथे व्यवसाय करत असून व्यवसायाच्या ठिकाणी संसर्ग झाल्याचा प्राथमिक निष्कर्ष आहे.
पळस्पे मध्ये कोरोनाचे नवीन ३ रूग्ण :
पळस्पे, मानसी पार्क, ब्लोसम बिल्डिंग, पळस्पे फाटा, येथील वर्षीय व्यक्तीला कोरोनाची लागण झाली आहे. मुंबई महापालिकेत कार्यरत असलेल्या या व्यक्तीला कामाच्या ठिकाणी संसर्ग झाल्याचा प्राथमिक निष्कर्ष आहे. याशिवाय येथील (वरील पत्ता) ५२ वर्षीय महिलेसह १८ वर्षीय मुलगी कोरोना पॉझिटिव्ह आली असून स्थानिक ठिकाणी संसर्ग झाल्याचा प्राथमिक निष्कर्ष आहे.
करंजाडे मध्ये कोरोनाचे नवीन ३ रूग्ण :
करंजाडे, शंकर पार्वती निवास येथील ३२ वर्षीय व्यक्तीला कोरोनाची लागण झाली आहे. तसेच करंजाडे दुर्गा साई मंदिराजवळील ३४ वर्षीय व्यक्ती कोरोना पॉझिटिव्ह आली आहे. याशिवाय करंजाडे साई पर्ल, प्लाट नबर-१२१ अ येथील १५ वर्षीय मुलीला कोरोनाची लागण झाली असून स्थानिक ठिकाणी संसर्ग झाल्याचा प्राथमिक निष्कर्ष आहे.
पडघे (कोळवाडी), आकुर्ली, पारगाव, कोन मध्ये कोरोनाचे प्रत्येकी २ नवीन रूग्ण :
पडघे (कोळवाडी), गावदेवी मंदीराजवळील २४ वर्षीय महिलेसह ६१ वर्षीय व्यक्तीला कोरोनाची लागण झाली असून स्थानिक ठिकाणी संसर्ग झाल्याचा प्राथमिक निष्कर्ष आहे. तसेच आकुर्ली, येथील ४२ वर्षीय महिलेला कोरोनाची लागण झाली असून स्थानिक ठिकाणी संसर्ग झाल्याचा प्राथमिक निष्कर्ष आहे. याशिवाय आकुर्ली, हनुमान मंदिराजवळील घर नंबर १३२ येथील २८ वर्षीय व्यक्ती कोरोना पॉझिटिव्ह आली असून नोकरीच्या ठिकाणी संसर्ग झाल्याचा प्राथमिक निष्कर्ष आहे. तसेच पारगाव (दापोली) येथील ५५ वर्षीय आणि ६० वर्षीय महिलेला कोरोनाची लागण झाली असून मोसारे येथील फॉर्म हाऊसमध्ये काम करीत करणाऱ्या या दोन्ही महिलांना कामाच्या ठिकाणी संसर्ग झाल्याचा प्राथमिक निष्कर्ष आहे. याशिवाय कोन येथील २६ वर्षीय व्यक्ती कोरोना पॉझिटिव्ह आली असून या व्यक्तीला व्यवसायाच्या ठिकाणी संसर्ग झाल्याचा प्राथमिक निष्कर्ष आहे. तसेच कोन, पटेल आळी येथील ३२ वर्षीय व्यक्तीला कोरोनाची लागण झाली असून शेती आणि टॉन्सपोर्टचे काम करणाऱ्या या व्यक्तीला व्यवसायाच्या ठिकाणी संसर्ग झाल्याचा प्राथमिक निष्कर्ष आहे.
आदई, कोप्रोली, सुकापुर, वावंजे, मोरबे, तूराडे, शेलघर, सावळे, कोपर, विचुंबे, केळवणे, कानपोली, मानघर मध्येही कोरोनाचे नवीन रूग्ण:
आदई, ए-१०२ बालाजी रेसिडसी येथील ६३ वर्षीय व्यक्तीला कोरोनाची लागण झाली असून स्थानिक ठिकाणी संसर्ग झाल्याचा प्राथमिक निष्कर्ष आहे. तसेच कोप्रोली, अरिहंत अरांह सोसायटीतील ३७ वर्षीय व्यक्ती कोरोना पॉझिटिव्ह आली आहे. इंजिनीअरिंग डिप्लोमाचे येथे शिक्षण घेत असलेल्या या व्यक्तीला त्याठिकाणी संसर्ग झाल्याचा प्राथमिक निष्कर्ष आहे. याशिवाय सुकापूर, गंगा दर्शन हौसिंग सोसायटीतील पोलीस कर्मचाऱ्याला कोरोनाची लागण झाली असून नोकरीच्या ठिकाणी संसर्ग झाल्याचा प्राथमिक निष्कर्ष आहे. तसेच वांवजे, कुंभारपाडा, दत्तमंदिर जवळील ३४ वर्षीय व्यक्ती कोरोना पॉझिटिव्ह आली आहे. ही व्यक्ती तळोजा येथे सुपरवायझर म्हणून नोकरी असून नोकरीच्या ठिकाणी संसर्ग झाल्याचा प्राथमिक निष्कर्ष आहे. याशिवाय मोरबे, माथेरान रोड, गणपती मंदिर जवळील २८ वर्षीय व्यक्तीला कोरोनाची लागण झाली आहे. एमआयडीसीमध्ये नोकरी करणाऱ्या या व्यक्तीला नाकरीच्या ठिकाणी संसर्ग झाल्याचा प्राथमिक निष्कर्ष आहे. तसेच तुराडे येथील ३२ वर्षीय महिला कोरोना पॉझिटिव्ह आली आहे. ही महिला कळंबोली येथे शिक्षिका असून नोकरीच्या ठिकाणी संसर्ग झाल्याचा प्राथमिक निष्कर्ष आहे. याशिवाय शेलघर येथील ४३ वर्षीय व्यक्तीला कोरोनाची लागण झाली आहे. गव्हाण येथील जे.डब्ल्यू.आर येथे सुपरवायझर म्हणून नोकरी करणाऱ्या या व्यक्तीला कामाच्या ठिकाणी संसर्ग झाल्याचा प्राथमिक निष्कर्ष आहे. तसेच सावळे येथील ४५ वर्षीय व्यक्ती कोरोना पॉझिटिव्ह आली आहे. पातळगंगा येथे नोकरीस असलेल्या या व्यक्तीला कामाच्या ठिकाणी संसर्ग झाल्याचा प्राथमिक निष्कर्ष आहे. याशिवाय कोपर (गव्हाण) येथील ६१ वर्षीय व्यक्तीला कोरोनाची लागण झाली असून स्थानिक ठिकाणी संसर्ग झाल्याचा प्राथमिक निष्कर्ष आहे. तसेच केळवणे, वरची आळी येथील ५३ वर्षीय व्यक्ती कोरोना पॉझिटिव्ह आली आहे. रिलायन्समध्ये नोकरीस असलेल्या या व्यक्तीला कामाच्या ठिकाणी संसर्ग झाल्याचा प्राथमिक निष्कर्ष आहे. याशिवाय कानपोली येथील ३० वर्षीय महिलेला कोरोनाची लागण झाली आहे. स्टाफ नर्स असलेल्या या महिलेला कामाच्या ठिकाणी संसर्ग झाल्याचा प्राथमिक निष्कर्ष आहे. तसेच मानघर, कुंडेवहाळ येथील २९ वर्षीय व्यक्ती कोरोना पॉझिटिव्ह आली आहे. जे.डब्ल्यू.आर येथे सुपरवायझर म्हणून नोकरी करणाऱ्या या व्यक्तीला कामाच्या ठिकाणी संसर्ग झाल्याचा प्राथमिक निष्कर्ष आहे.
पनवेल ग्रामीण भागामधील ४ जणांना रूग्णालयातून घरी सोडण्यात आले :
आज पनवेल ग्रामीणमधील ४ रूग्ण पुर्णपणे बरे झाले असून त्यांना रूग्णालयातून घरी सोडण्यात आले आहे. यामध्ये उसर्ली येथील ३ तर केळवणे येथील एका रूग्णाचा समावेश आहे.
महत्त्वाची टीप : सर्वांनी आपली काळजी घ्या, घरी सुरक्षित रहा, पौष्टिक आहार घ्या, सतत गरम पाणी प्या, तसेच दररोज नियमित व्यायम करा आणि कोरोना पासुन दहा हात लांब रहा.