कोरोना महासंकट : पनवेल महानगरपालिका क्षेत्रात कोरोनाचे एकूण नवीन १३१ रूग्ण; तर ४ जणांचा मृत्यू व ६१ जणांना घरी सोडण्यात आले:
कोरोना महासंकट : पनवेल महानगरपालिका क्षेत्रात कोरोनाचे एकूण नवीन १३१ रूग्ण; तर ४ जणांचा मृत्यू व ६१ जणांना घरी सोडण्यात आले:
पनवेल : पनवेल महानगरपालिका क्षेत्रात २९ जून रोजी कोरोनाचे एकूण १३१ नवीन रुग्ण आढळले असून दुर्दैवी बाब ४ जणांचा मृत्युची नोंद झाली आहे. यामध्ये पनवेलमधील ६० वर्षीय महिला, नवीन पनवेलमधील ५७ वर्षीय पुरुष, कामोठ्यातील ६१ वर्षीय महिला आणि कळंबोलीतील ६२ वर्षीय पुरुषाचा समावेश आहे. दरम्यान,पनवेल, नवीन पनवेल आणि कामोठ्यातील मयत रूग्णाबाबतची माहिती महानगरपालिकेला आज मिळाल्याने नवीन रूग्णांमध्ये नोंद करण्यात आली आहे. पनवेल महानगरपालिका क्षेत्रातील ६१ रूग्ण बरे झाल्याने त्यांना रूग्णालयातून घरी सोडण्यात आले आहे.
आज आढळलेल्या नवीन रूग्ण :
पनवेल येथील ३३, खारघरमधील ३३, कामोठ्यातील २३, कळंबोलीतील १९, खांदा कॉलनीतील ८, नवीन पनवेलमधील ७, तुर्भे गावातील ३, रोहिंजण येथील २, तसेच पेणधर, तळोजा, पेठाली (तळोजा फेज-१) येथील प्रत्येकी एका रूग्णाचा समावेश आहे. दरम्यान, आजपर्यंत नोंद झालेल्या पनवेल महापालिका हद्दीतील एकूण २०१४ कोरोनाबाधित रूग्णांपैकी १२४८ रूग्ण बरे होऊन घरी परतले असून ७६ जणांचा दुर्दैवी मृत्यू झाला आहे. सध्या पनवेल महापालिका हद्दीत कोरोनाच्या ६९० एक्टिव केसेस आहेत.
महत्त्वाची टीप : सर्वांनी आपली काळजी घ्या, घरी सुरक्षित रहा, पौष्टिक आहार घ्या, सतत गरम पाणी प्या, तसेच दररोज नियमित व्यायम करा आणि कोरोना पासुन दहा हात लांब रहा.