कोरोना महासंकट : पनवेल ग्रामीण भागात कोरोनाचे नवीन २९ रूग्ण; २ जणांचा मृत्यू, ११ जणांना घरी सोडण्यात आले:
कोरोना महासंकट : पनवेल ग्रामीण भागात कोरोनाचे नवीन २९ रूग्ण; २ जणांचा मृत्यू, ११ जणांना घरी सोडण्यात आले:
पनवेल : पनवेल ग्रामीण भागात २६ जून रोजी कोरोनाचे नवीन २९ रूग्णांची नोंद झाली असून ११ रूग्ण पुर्णपणे बरे झाल्याने त्यांना घरी सोडण्यात आले आहे. दुर्दैवी बाब म्हणजे नेरे येथील ३५ वर्षीय व्यक्तीचा २३ जून रोजी तसेच विचुंबे येथील ६२ वर्षीय महिलेचा आज मृत्यू झाल्याची माहिती प्रशासनाने दिली आहे. दरम्यान, आज नोंद झालेल्या रूग्णांमध्ये नेरे येथील ९, विचुंबे येथील ५, आदई येथील ४, उलवे येथील ४, कोन, आजिवली, वाकडी, कंरजाडे, बारापाडा, केळवणे, उसर्ली येथील प्रत्त्येकी एका रुग्णाचा समावेश आहे. पनवेल ग्रामीणमधील आजपर्यंतच्या एकूण ५२५ कोरोनाबाधित रूग्णांपैकी एकूण ३०३ जणांना डिस्चार्ज देण्यात आला आहे तर १६ जणांचा कोरोनामुळे मृत्यू झाला आहे. सध्या पनवेल ग्रामीणमध्ये कोरोनाच्या २०६ ऐक्टिव केसेस चालू आहेत.
नेरे मध्ये कोरोनाचे नवीन ९ रूग्ण :
नेरे, ब्राह्मण आळी, माथेरान रोड येथील ६ व्यक्तींना कोरोनाची लागण झाली आहे. यामध्ये ४२ वर्षीय, ११ वर्षीय, २८ वर्षीय, ३० वर्षीय, ३५ वर्षीय, ३१ वर्षीय व्यक्तिंचा समावेश आहे. याशिवाय नेरे येथील १५ वर्षीय मुलीसह २५ वर्षीय आणि २८ वर्षीय व्यक्ती असे एकूण ३ जण कोरोना पॉझिटिव्ह आल्या आहेत.
विचुंबे मध्ये कोरोनाचे नवीन ५ रूग्ण :
विचुंबे, सी २१०, रमेश निवास येथील ६२ वर्षीय महिलेला कोरोनाची लागण झाली असून स्थानिक ठिकाणी संसर्ग झाल्याचा प्राथमिक निष्कर्ष आहे. तसेच विचुंबे, कृष्ण वंदन, डी- विंग येथील ५५ वर्षीय व्यक्ती कोरोना पॉझिटिव्ह आली आहे. ही व्यक्ती मुंबई महापालिकेत कार्यरत असून कामाच्या ठिकाणी संसर्ग झाल्याचा प्राथमिक निष्कर्ष आहे. याशिवाय विचुंबे, १०४ डी विंग, प्रयाग आकृती, पोलीस चौकीजवळील ४८ वर्षीय व्यक्तीला कोरोनाची लागण झाली असून मुंबई महापालिकेत कार्यरत असलेल्या या व्यक्तीला कामाच्या ठिकाणी संसर्ग झाल्याचा प्राथमिक निष्कर्ष आहे. तसेच विचुंबे, म्हात्रे आळी, समाज मंदिराजवळील ३५ वर्षीय महिलेसह ४५ वर्षीय पुरूष कोरोना पॉझिटिव्ह आला आहे.
आदई मध्ये कोरोनाचे नवीन ४ रूग्ण :
आदई, ए-१०२, बालाजी रेसिडेन्सी, येथील ४० वर्षीय व्यक्तीला कोरोनाची लागण झाली असून माझगाव डॉक येथे कार्यरत असलेल्या या व्यक्तीला कामाच्या ठिकाणी संसर्ग झाल्याचा प्राथमिक निष्कर्ष आहे. तसेच आदई येथील २८ वर्षीय व्यक्ती कोरोना पॉझिटिव्ह आली आहे. याशिवाय आदई, ओमकार ब्राम्हण आळी, ५० वर्षीय महिलेसह ५० वर्षीय पुरूषाला कोरोनाची लागण झाली असून स्थानिक ठिकाणी संसर्ग झाल्याचा प्राथमिक निष्कर्ष आहे.
उलवे मध्ये कोरोनाचे नवीन ४ रूग्ण :
उलवे, सेक्टर-१७ मधील ३५ वर्षीय महिलेसह ४८ वर्षीय आणि ४० वर्षीय पुरूष अशा एकूण ३ व्यक्तींना कोरोनाची लागण झाली आहे. तसेच उलवे, सेक्टर-२३, ओम साई सृष्टी येथील ३३ वर्षीय महिला कोरोना पॉझिटिव्ह आली आहे.
कोन, आजिवली, वाकडी, कंरजाडे, बारापाडा, केळवणे, उसर्ली मध्ये कोरोनाचे नवीन रूग्ण:
कोन(पेठ) येथील ३१ वर्षीय महिलेला कोरोनाची लागण झाली असून स्थानिक ठिकाणी संसर्ग झाल्याचा प्राथमिक निष्कर्ष आहे. तसेच आजिवली घर नंबर-१५२, येथील ३५ वर्षीय व्यक्तीला कोरोना पॉझिटिव्ह आली असून नवीन पनवेलमध्ये मोबाईलच्या दुकानात काम करत असलेल्या या व्यक्तीला कामाच्या ठिकाणी संसर्ग झाल्याचा प्राथमिक निष्कर्ष आहे. याशिवाय वाकडी, प्लॉट नं-१०२, बी ग्रीन आर्केड येथील १९ वर्षीय व्यक्तीला कोरोनाची लागण झाली असून ड्रायव्हर म्हणून कार्यरत असलेल्या या व्यक्तीला कामाच्या ठिकाणी संसर्ग झाल्याचा प्राथमिक निष्कर्ष आहे. तसेच कंरजाडे, रूम नं-१०३, मायक्रोपोल बिल्डिंग येथील ३२ वर्षीय व्यक्ती कोरोना पॉझिटिव्ह आली असून कामाच्या ठिकाणी संसर्ग झाल्याचा प्राथमिक निष्कर्ष आहे. याशिवाय बारापाडा (तारा) येथील ६९ वर्षीय व्यक्तीला कोरोनाची कोरोनाची लागण झाली असून विटभट्टी येथे काम करणाऱ्या या व्यक्तीला कामाच्या ठिकाणी संसर्ग झाल्याचा प्राथमिक निष्कर्ष आहे. तसेच केळवणे, रूम नंबर-९१७ कोकण स्कूल जवळील २३ वर्षीय व्यक्ती कोरोना पॉझिटिव्ह आली आहे. याशिवाय उसर्ली, बालाजी आर्केड, डी-विंग येथील २५ वर्षीय व्यक्तीला कोरोनाची लागण झाली असून बँक कर्मचारी असलेल्या या व्यक्तीला कामाच्या ठिकाणी संसर्ग झाल्याचा प्राथमिक निष्कर्ष आहे.
पनवेल ग्रामीण भागात २ जणांची मृत्यूंची नोंद :
पनवेल ग्रामीणमधील नेरे येथील ३५ वर्षीय व्यक्तीचा २३ जून रोजी मृत्यू झाल्याची माहिती प्रशासनाने दिली आहे. याशिवाय विचुंबे येथील ६२ वर्षीय कोरोनाबाधित महिलेचा आज (शुक्रवार, २६ जून) मृत्यू झाला आहे.
पनवेल ग्रामीणमधील ११ जणांना रूग्णालयातून घरी सोडण्यात आले :
आज पनवेल ग्रामीणमधील ११ रूग्ण पुर्णपणे बरे झाले असून त्यांना रूग्णालयातून घरी सोडण्यात आले आहे. यामध्ये विचुंबे येथील २, उलवे येथील २, उसर्ली येथील २, बेलपाडा, पळस्पे, नेरे, देवद, नेवाळी, कोप्रोली येथील प्रत्येकी एका रुग्णाचा समावेश आहे
महत्त्वाची टीप : सर्वांनी आपली काळजी घ्या, घरी सुरक्षित रहा, पौष्टिक आहार घ्या, सतत गरम पाणी प्या, तसेच दररोज नियमित व्यायम करा आणि कोरोना पासुन दहा हात लांब रहा.