कोरोना अपडेट: पनवेल महानगरपालिा क्षेत्रात कोरोनाचे १६४ नवे रूग्ण; तर ६ रूग्णांचा मृत्यु व २१० जणांना घरी सोडण्यात आले:
कोरोना अपडेट: पनवेल महानगरपालिा क्षेत्रात कोरोनाचे १६४ नवे रूग्ण; तर ६ रूग्णांचा मृत्यु व २१० जणांना घरी सोडण्यात आले:
पनवेल: पनवेल महानगरपालिका क्षेत्रात ३० जुलै रोजी कोरोनचे १६४ नवीन कोरोनाबाधित रुग्ण आढळले असून २१० रूग्ण बरे झाल्याने त्यांना रूग्णालयातून घरी सोडण्यात आले आहे. दुर्दैवी बाब म्हणजे आज ६ मृत्यूंची नोंद झाली असून त्यामध्ये पनवेेलमधील २, नवीन पनवेलमधील २ तसेच कामोठे आणि खारघर येथील प्रत्येकी एका रुग्णाचा मृत्यू झाला आहे.
पनवेल महानगरपालिका क्षेत्रातील आजचे नवीन रूग्ण:
पनवेलमधील ३४, कामोठ्यातील ३२, खारघरमधील ३१, कळंबोली-रोडपाली येथील एकूण १८, नवीन पनवेलमधील १६, तळोजा रॅपिड ऍक्शन फोर्स येथील ११, खांदा कॉलनीतील ५, नावडे येथील ६, आसुडगाव येथील २, तळोजा एमआयडीसीतील २, तळोजा वसाहतीमधील २, तसेच टेंभोडे, पेणधर, धरणा, वळवली आणि तळोजा जेल येथील प्रत्येकी एका रुग्णाचा समावेश आहे.
तसेच, आजपर्यंत नोंद झालेल्या पनवेल महापालिका हद्दीतील एकूण ६५०७ कोरोनाबाधित रूग्णांपैकी ४९४७ रूग्ण बरे होऊन घरी परतले असून १६० जणांचा दुर्दैवी मृत्यू झाला आहे. सध्या पनवेल महापालिका क्षेत्रात कोरोनाचे १४०० ऐक्टिव रूग्ण आहेत.
महत्त्वाची टीप : सर्वांनी आपली काळजी घ्या, घरी सुरक्षित रहा, पौष्टिक आहार घ्या, सतत गरम पाणी प्या, तसेच दररोज नियमित व्यायम करा आणि कोरोना पासुन दहा हात लांब रहा.