कोरोना अपडेट: उलवे नोड येथील कोविड-१९ हॉस्पिटल संदर्भातील आढावा बैठक संपन्न..!!!
सिडकोमार्फत १० कोटी रुपये मंजूर केल्यानंतर लोकनेते दि. बा. पाटील सर्वपक्षीय संघर्ष समितीची बैठक माजी खासदार लोकनेते रामशेठ ठाकूर यांच्या प्रमुख उपस्थितीत तसेच समितीचे पदाधिकारी, रोटरी क्लबचे अध्यक्ष डॉ. गिरीष गुणे, त्यांचे सहकारी, समितीचे उपाध्यक्ष मा.श्री. बबनदादा पाटील, तसेच सिडकोचे अधिकारी यांच्या समवेत पार पडली.
पनवेल(प्रतिनिधि)- उलवे नोड, उरण, पनवेल परिसरातील जनतेसाठी सिडको कडून मंजूर झालेल्या कोविड हॉस्पिटल संदर्भात २९ जुलै रोजी आढावा बैठक घेण्यात आली, लोकनेते. दि. बा. पाटील साहेब सर्वपक्षीय संघर्ष समितीचेअध्यक्ष. माजी खासदार श्री. रामशेठ ठाकूर साहेब यांच्या अध्यक्षतेखाली त्यांच्या निवासस्थानी सुमारे २ ते ३ तास प्रदीर्घ चर्चा झाली या आढावा बैठकीसाठी संघर्ष समितीचे उपाध्यक्ष श्री बबनदादा पाटील, सचिव श्री महेंद्रजी घरत, श्री रवीशेठ पाटील. तसेच रोटरी क्लब चे अध्यक्ष डॉ श्री गिरीष गुणे सर आणि त्यांचे पदाधिकारी आणि इतर उपस्थित होते.
या बैठकीमध्ये प्रामुख्याने कोविड १९ चे हॉस्पिटल कसे असावे तर साधारणता २०० बेडच हॉस्पिटल असेल तर त्या मध्ये १५० बेड हे नॉर्मल असतील, तर ५० बेड मधे स्पेशली व्हॅटिलेटर व ऑक्सिजन ची व्यवस्था असेल, तसेच तज्ज्ञ डॉक्टर, नर्सेस, वार्डबॉय, यांचा स्टाफ किती असावा आणि हॉस्पिटल किती उच्च दर्जाचे असावे या बद्दल ची चर्चा करण्यात आली त्याच वेळीस या विभागात मोठया प्रमाणात सिडकोची नागरी वस्ती वसवल्या आहेत परंतु कुठल्याही सोई- सुविधा दिल्या नाहीत तेव्हा आता सिडकोने या सुविधांकडे लक्ष देण्याची वेळ आली आहे.
तसेच, आमची अशी मागणी आहे कि सिडकोनी या विभागात केवळ कोविड १९ चा विचार न करता या ठिकाणी कायम स्वरूपी एम्सच्या धर्तीवर सुसज्य हॉस्पिटल निर्माण करावे आणि हे आपले उत्तरदायित्वच आहे. आणि ठिकाणच्या गोर -गरीब जनतेला न्याय द्यावा अशी परखड चर्चा आज सिडको आणि सर्व पक्षीय संघर्ष समिती यांच्यात झाली आहे.
यावर बोलतांना सिडको अधिकारी यांनी सांगितले कि कोविड १९ हॉस्पिटल साठी आपण १० कोटी रुपये दिले आहेत अद्याप काही त्यात जर कुठली अडचण आली तर अधीक फंड देण्यात येईल परंतु हे सुसज्य हॉस्पिटल कसा लवकरात लवकर पूर्ण करून लोकांच्या सेवेसाठी देता येईल हाच आमचा प्रयत्न राहणार आहे त्या साठी आम्ही रोटरी क्लब ची मदत घेणार आहोत. असे सिडको अधिकारी यांनी यावेळेस संगितले.
आज झालेली बैठक हि खुप व्यापकविचाराने पार पडली
या बैठकीला लोकनेते दि बा पाटील साहेब सर्व पक्षिय संघर्ष समितीचे अध्यक्ष माजी खासदार मा.श्री. रामशेठ ठाकूर साहेब, समितीचे उपाध्यक्ष मा.श्री. बबनदादा पाटील, समितीचे सचिव मा श्री महेंद्रजी घरत साहेब, श्री साई देवस्थान चे विश्वस्त मा.श्री. रवीशेठ पाटील आणि रोटरी क्लब चे अध्यक्ष डॉ श्री गिरीष गुणे सर, तसेच त्यांचे सहकारी आणि सिडको अधिकारी हे उपस्थित होते.
महत्त्वाची टीप : सर्वांनी आपली काळजी घ्या, घरी सुरक्षित रहा, पौष्टिक आहार घ्या, सतत गरम पाणी प्या, तसेच दररोज नियमित व्यायम करा आणि कोरोना पासुन दहा हात लांब रहा.