कोरोना अपडेट : भारता मधून फरार नित्यानंदची बँक आणि चलनही !!!!
नवी मुंबई (बातमी/नवी दिल्ली) - भारतात बलात्काराच्या आरोपानंतर १७ हजार कोटी रूपये घेउन विदेशात परागंदा झालेला स्वामी नित्यानंद याने आणखी एक संदेश जारी केला आहे . त्यानुसार ' हिंदू रिझर्व्ह बँक ' आणि आपले स्वत : चे चलन सुरू करणार असल्याची घोषणा त्याने केली आहे . भारतातून फरार झाल्यानंतर नित्यानंद याने दक्षिण अमेरिकेत ' कैलासा ' नावाचा स्वतंत्र देश स्थापन केल्याचे जाहीर केले होते . त्याच्या या घोषणेनंतर अनेक स्वयंसेवी संस्था आणि खासगी संस्थांचे जाळे त्याच्या पाठीशी असल्याचे आता स्पष्ट होऊ लागले आहे .
नित्यानंद प्रकरणात भारतातील एका प्रख्यात माध्यम समूहाने लक्ष घातले होते व त्याच्या दाव्यांचा पर्दाफाश केला आहे . त्यानुसार अमेरिका , आशिया आणि ब्रिटनमधील अनेक संघटना नित्यानंद याच्याशी संबंधित असल्याची नवी माहिती समोर आली आहे . या संघटनाच नित्यानंदचा कथित देश कैलासा आणि त्याची नवी बँक आणि त्याच्या चलनाचा मुलाधार असल्याचे समोर येत आहे . नित्यानंदने अलिकडेच एक व्हिडीओ जारी केला होता . त्यात स्वयंसेवी संस्थांच्या माध्यामूत पैसा जमवला जाण्याचे सूतोवाच केले होते . कैलासासाठी जगभरातून लोक दान करत असून स्थानिक सरकारांशी जोडलेली ही मंडळी आहेत .
महत्त्वाची टीप : सर्वांनी आपली काळजी घ्या, घरी सुरक्षित रहा, पौष्टिक आहार घ्या, सतत गरम पाणी प्या, तसेच दररोज नियमित व्यायम करा आणि कोरोना पासुन दहा हात लांब रहा.