कोरोना अपडेट : सिडकोचे नविन व्यवस्थापकीय संचालक अधिकारी यांना प्रकल्पग्रस्तांच्या प्रलंबित मागण्यासाठी दिले निवेदनपत्र :
कोरोना अपडेट : सिडकोचे नविन व्यवस्थापकीय संचालक अधिकारी यांना प्रकल्पग्रस्तांच्या प्रलंबित मागण्यासाठी दिले निवेदनपत्र :
नवी मुंबई(बेलापुर/प्रतिनिधि):- सिडको महामंडळाच्या व्यवस्थापकीय संचालक भारतीय प्रशासकीय अधिकारी डॉ. संजय मुखर्जी यांची रायगड जिल्हा प्रमुख सल्लागार व प्रकल्पग्रस्तांचे नेते श्री. बबनदादा पाटिल यांनी शिवसेना जिल्हाप्रमुख श्री. शिरिषजी घरत व राष्ट्रवादीचे नेते श्री. सुदामजी पाटील यांच्यासह भेट घेऊन नियुक्तीबद्दल अभिनंदन करत त्यांच्या पुढील वाटचालीसाठी शुभेच्छा दिल्या.
तसेच, सिडकोचे पूर्वीचे उपाध्यक्ष तथा व्यवस्थापकीय संचालक श्री. लोकेश चंद्र यांच्याकडून सिडको महामंडळाच्या उपाध्यक्ष तथा व्यवस्थापकीय संचालक पदाची सूत्रे डॉ. संजय मुखर्जी यांना दिनांक १९ ऑगस्ट २०२० रोजी देण्यात आली.
दरम्यान, डॉ. मुखर्जी यांच्याकडे प्रकल्पग्रस्तांच्या प्रलंबित मागण्या त्यांचे प्रश्न तातडीने सोडवण्याबाबतचे निवेदन देउन लवकरच प्रकल्पग्रस्तांशी निगडीत संवाद साधण्यासाठी एका बैठकीचे आयोजन करण्याची विनंती केली आहे.
महत्त्वाची टीप : सर्वांनी आपली काळजी घ्या, घरी सुरक्षित रहा, पौष्टिक आहार घ्या, सतत गरम पाणी प्या, तसेच दररोज नियमित व्यायम करा आणि कोरोना पासुन दहा हात लांब रहा.