न्यूज अपडेट : वृद्ध कलावंत मानधन योजनेची थकीत रक्कम कलावंतांच्या खात्यात जमा;डॉ. उत्कर्ष शिंदे व शिंदेशाही च्या मागणीला अखेर यश:
न्यूज अपडेट : वृद्ध कलावंत मानधन योजनेची थकीत रक्कम कलावंतांच्या खात्यात जमा;डॉ. उत्कर्ष शिंदे व शिंदेशाही च्या मागणीला अखेर यश:
डॉ. उत्कर्ष शिंदे यांनी या कलावंताच्या व्यथा स्वरसम्राट प्रल्हाद शिंदे चॅरीटेबल ट्रस्टच्या माध्यमातून महाराष्ट्र राज्याचे मुख्यमंत्री उद्धवजी ठाकरे, तसेच सांस्कृतिक मंत्री अमित देशमुख यांची मुंबई येथे भेट घेऊन कलावंताच्या मागण्या निवेदनाच्या माध्यमातून सरकार समोर मांडल्या.
नवी मुंबई (बातमी/मुंबई) :- आज लाॅकडाऊन च्या काळात सर्व बंद असल्याने कलाकारांना जगणे मुश्किल झाले होते. यांसोबत महाराष्ट्र शासनाच्या " वृद्ध कलावंत उपास माराने दिवस काढत आहे त्याच बरोबर मानधन योजना " यामध्ये नोंदीत वृद्ध कलावंत यांना ही शासनाच्या वतीने दरमहा देण्यात येणारी मानधनाची देण्यारी रक्कम कोरोना संकटामुळे शासनाकडून बंद करण्यात आली होती. महाराष्ट्रातील सर्व कलावंतानी आपली व्यथा स्वरसम्राट प्रल्हाद शिंदे चॅरीटेबल ट्रस्ट चे अध्यक्ष डाॅ उत्कर्ष आनंद शिंदे यांच्या कडे मांडल्या व डाॅ उत्कर्ष आनंद शिंदे यांनी ह्या कलावंताच्या व्यथा स्वरसम्राट प्रल्हाद शिंदे चॅरीटेबल ट्रस्ट च्या माध्यमातून महाराष्ट्र राज्याचे मुख्यमंत्री मा उद्धवजी ठाकरे साहेब , सांस्कृतिक मंत्री श्री.अमितजी देशमुख, यांची मुंबई येथे भेट घेऊन निवेदनाच्या माध्यमातून सरकार समोर मांडल्या व त्याबाबतची चर्चा केली.
मिळ्णार्या मानधना अभावी वृद्ध कलावंत यांना उदरनिर्वाह करण जिकरीच होत आहे. सरकारने डाॅ. उत्कर्ष आनंद शिंदे यांच्या मागणीचा विचार करून महाराष्ट्र राज्य सरकार व संबंधित मंत्रीमहोदय यांनी आज महाराष्ट्र राज्य शासनाकडे नोंदणी असलेल्या वृद्ध कलावंत यांच्या दरमहा मानधनाची थकीत रक्कम आज वृद्ध कलावंत यांच्या खात्यात जमा केली आहे.
महाराष्ट्र राज्य सरकारच्या वतीने मा. मुख्यमंत्री उद्धवजी ठाकरे, सांस्कृतिक मंत्री अमितजी देशमुख यांनी त्वरीत या निर्णयाला मान्यता दिल्या बद्द्ल डॉ. उत्कर्ष आनंद शिंदे यांनी सर्वाचे मनापासुन धन्यवाद व आभार मानले.
तसेच, वृद्ध कलावंत यांना ही महाराष्ट्र राज्य सरकारची महात्मा फुले जन आरोग्य योजना अथवा आरोग्य योजनेत सहभागी करण्याच्या मागणीवर राज्य सरकार विचाराधिन आहे ते लवकरच महाराष्ट्रातील वृद्ध कलावंत यांना महाराष्ट्र राज्य सरकारच्या आरोग्य योजनेत सहभागी करण्याचा व त्याचा याचा लाभ देण्याचा महाराष्ट्र सरकार निर्णय घेईल, असा विश्वास स्वरसम्राट प्रल्हाद शिंदे चॅरीटेबल ट्रस्ट चे अध्यक्ष गायक संगीतकार डाॅ उत्कर्ष आनंद शिंदे यांनी व्यक्त केला आहे.
महत्त्वाची टीप : सर्वांनी आपली काळजी घ्या, घरी सुरक्षित रहा, पौष्टिक आहार घ्या, सतत गरम पाणी प्या, तसेच दररोज नियमित व्यायम करा आणि कोरोना पासुन दहा हात लांब रहा.