न्यूज अपडेट : सिडकोची नवीन योजना;सोडत प्रथा बंद..प्रथम येणा-यास प्राधान्य, दहा लाखांनी घरही झाली स्वत..!!
न्यूज अपडेट : सिडकोची नवीन योजना;सोडत प्रथा बंद..प्रथम येणा-यास प्राधान्य, दहा लाखांनी घरही झाली स्वत..!!
नवी मुंबई (प्रतिनिधि) :- सिडकोने गेल्या अनेक दिवसांपासून अनेकांचे घर घेण्याचे स्वप्न पूर्ण केले आहे. आणि आता देखील त्यांनी मोठे निर्णय घेतले आहेत. आता अर्ज मागवून सोडत काढण्याची पध्दत बंद करुन आता प्रथम येणाऱ्यास प्राधान्य दिले जाणार आहे. जानेवारीपासून हे धोरण राबवले जाणार आहे.
मागील दोन वर्षांतील सात हजार घरे विविध कारणांमुळे विक्रीविना पडून आहेत. पैसे नसल्याने ग्राहकांनी ती परत केली आहेत. अगोदर आर्थिक पात्रता नसताना सुद्धा अनेक जण घरांसाठी अर्ज दाखल करत होते. यामुळे गरजूंना पात्रता असूनही घरापासून वंचित राहावे लागत होते. यामुळे सिडकोचे संचालक डॉ. संजय मुखर्जी यांनी घर विक्रीच्या धोरणातच बदल करण्याचा निर्णय घेतला.
आता सिडकोने आगामी काळात २ लाख १५ हजार घरे बांधण्याचा निर्णय घेतला आहे. या घरांसाठी प्रथम येणाऱ्यास प्राधान्य दिले जाणार आहे. तसेच आता अर्ज करताना १० टक्के रक्कम भरावी लागणार आहे. जर घराची किंमत २५ लाख रुपये असेल तर अर्जासोबत अडीच लाख रुपये भरावे लागणार आहेत.
या निर्णयामुळे आता ज्याची आर्थिक क्षमता आहे, तोच अर्ज करणार आहे. आर्थिकदृष्ट्या दुर्बल आणि अल्प उत्पन्न असणाराच या योजनेचा लाभ घेणार आहे, त्यामुळे घरांच्या किमती बाजारभावाच्या तुलनेत साधारण १० लाख रुपयांनी कमी करण्याची योजना आहे.
याबद्दल माहिती डॉ. संजय मुर्खजी यांनी दिली आहे. त्यादृष्टीने संबंधित विभागाकडून चाचणी सुरू करण्यात आली आहे. यामुळे अनेक कारणांमुळे ज्यांचे घर खरेदीचे स्वप्न राहिले आहे त्यांच्यासाठी याचा फायदाच होणार आहे असे म्हणायला काही हरकत नाही.
महत्त्वाची टीप : सर्वांनी आपली काळजी घ्या, घरी सुरक्षित रहा, पौष्टिक आहार घ्या, सतत गरम पाणी प्या, तसेच दररोज नियमित व्यायम करा आणि कोरोना पासुन दहा हात लांब रहा.