न्यूज अपडेट : पोलादपूर तुर्भे येथील नवसाला पावणारे लक्ष्मीनारायण मंदिर भाविकांना दर्शनासाठी खुले:
नवी मुंबई (रुपाली वाघमारे) :- पोलादपूर तुर्भे येथील नवसाला पावणारे लक्ष्मीनारायण मंदिर भाविकांना दर्शनासाठी खुले करण्यात आले आहे, आघाडी सरकारने दर्शनासाठी मंदिरे खुली केल्यानंतर नवी मुंबईहून समाजसेवक मिलिंद खारपाटील तसेच रायगड जिल्हा परिषद माजी सदस्य- अरविंद पाटील हे पंढरपूर तसेच शिर्डी सारख्या प्रसिद्ध ठिकाणी दर्शनासाठी न जाता पोलादपूर तालुक्यातील तुर्भे (बुद्रुक )येथील नवसाला पावणारे म्हणून प्रसिद्ध असलेले श्री लक्ष्मी नारायण मंदिरास भेट दिली. यावेळी संपूर्ण जगावर आलेले कोरोनाचे संकट टळू दे असे गाऱ्हाणे लक्ष्मीनारायण देवतेला घालण्यात आले.
मिलिंद खारपाटील यांनी ग्रामस्थांचे आभार मानताना कोरोना महामारीमुळे आपल्यावर आलेले संकट आणि आपल्याला लक्ष्मी नारायण देवतेच्या नामस्मरनातून आलेली प्रचिती सांगताना सगळे भाविक भावुक झालेले दिसत होते. ग्रामस्थ जेष्ठ नागरिक हभप चंद्रकांत दादा शिंदे, अमृता वाडकर, लक्ष्मी नारायण मंदिर कमिटी चे सेक्रेटरी माननीय रत्नकांत शिंदे यांनी मंदिराचे महात्म्य आणि ग्रामस्थांचा झालेला विकास पाहुण्यांना सांगितला. आलेल्या यात्रींनी आपल्या रायगड जिल्ह्यात एवढे भव्य आणि सुंदर असे लक्ष्मीनारायण मंदिर बघून आम्ही धन्य झालो असल्याचे सांगितले. यावेळी यात्रींकडून गरजूना जीवनावश्यक वस्तू, आर्थिक साहाय्य देण्यात आले.
महत्त्वाची टीप : सर्वांनी आपली काळजी घ्या, घरी सुरक्षित रहा, पौष्टिक आहार घ्या, सतत गरम पाणी प्या, तसेच दररोज नियमित व्यायम करा आणि कोरोना पासुन दहा हात लांब रहा.