न्यूज अपडेट : सातारा वडूजवरुन मुंबईकडे नीघालेल्या एस टी बसचा भीषण अपघात;१ ठार, १५ जखमी:
पनवेल (प्रतिनिधि/सूरज वाघमारे) :- पुणे-मुंबई एक्सप्रेस वे (Express Way) वर सातारा वडूज वरुण मुंबईकडे निघालेल्या एसटी बसला झालेल्या भीषण अपघातात बसचा चालक जागीच ठार झाला, तर १५ प्रवासी जखमी झाले आहेत.
तसेच, हा अपघात मध्यरात्री २ च्या सुमारास झाला. अपघातग्रस्त बस सातारा येथून मुंबईच्या दिशेनं येत होती. पनवेल येथील कोन गावाजवळच्या एक्झिट मार्गावर असताना एका अवजड वाहनाने (Container) ने एसटीला जोरदार धडक दिली. या धडकेत बसचा एका बाजूचा पत्रा कापला गेला. अपघातातील मृत व्यक्ती हा मुंबईत बेस्टचा चालक असल्याची माहिती मिळत आहे. १५ प्रवासी गंभीर जखमी झाले आहेत. जखमींममध्ये काही महिलां प्रवाशी यांचाही समावेश आहे.
अपघाताची माहिती मिळताच आयआरबीची यंत्रण व महामार्ग वाहतूक पोलीस घटनास्थळी पोहोचले. जखमींपैकी ६ जणांची प्रकृती चिंताजनक असून त्यांना उपचारासाठी जवळच्या रुग्णालयात हलवण्यात आलं आहे. काहींना कामोठे येथील एमजीएम रुग्णालयात दाखल करण्यात आलं आहे. एसटीचे पनवेल आगार प्रमुख विलास गावडे आणि इतर कर्मचारी रुग्णालयात पोहोचलेत. जखमींवर योग्य उपचार मिळण्यासाठी प्रयत्न सुरु आहेत.
महत्त्वाची टीप : सर्वांनी आपली काळजी घ्या, घरी सुरक्षित रहा, पौष्टिक आहार घ्या, सतत गरम पाणी प्या, तसेच दररोज नियमित व्यायम करा आणि कोरोना पासुन दहा हात लांब रहा.