न्यूज अपडेट : नवी मुंबईतील वाशी येथे २३ वर्षीय तरुणीवर बलात्कार; चालत्या ट्रेनमधून खाली फेकले:
● नवी मुंबईत बलात्काराची भीषण घटना
● एका २३ वर्षीय तरुणीवर बलात्कार करून तिला चालत्या ट्रेनमधून खाली फेकून दिले.
● नवी मुंबईतील वाशी येथील रेल्वे रुळांवर मंगळवारी पहाटे ती गंभीर अवस्थेत पडलेली.
२२ डिसेंबर मंगळवारी पहाटे ६:३० च्या सुमारास वाशी रेल्वे स्थानकाच्या व्यवस्थापकाने, रेल्वे स्टेशनपासून अडीच किलोमीटर अंतरावर असलेल्या वाशी पुलाजवळील ट्रॅकवर एक तरुणी आढळल्याची माहिती रेल्वे पोलिसांना दिली. त्यानंतर जीआरपीचे कॉन्स्टेबल भाऊसाहेब शिंदे यांनी तातडीने घटनास्थळी धाव घेतली असता, तरुणी डोक्याला गंभीर जखमा आणि शरीरावरही जखमा असलेल्या अवस्थेत आढळली.
तरुणीला गंभीर जखमा आणि डोक्यातून रक्तस्त्राव होत होता. तिला त्वरीत वाशीच्या एनएमसी (NMMC) रुग्णालयात दाखल करण्यात आलं. वैद्यकीय अधिकाऱ्यांनी तिची प्राथमिक तपासणी आणि उपचार करून तिला जेजे (J.J) रुग्णालयात हलवण्यात आलं आहे. ती तरुणीने केवळ कसंबसं आपलं नाव सांगू शकली असून, ती टिटवाळा येथे राहणारी असल्याची माहिती मिळाली आहे.
पोलिसांनी टिटवाळा येथे तिच्या कुटुंबाचा शोध घेतला असून ती पवईत नोकरी करत असल्याची माहिती मिळाली आहे. विकेंडला ती आपल्या कुटुंबाला भेटायला यायची. रविवारी संध्याकाळी आपल्या घरुन निघून ती पवईत येत होती.
सेक्शन ३०७ अंतर्गत खूनाचा प्रयत्न आणि बलात्कार प्रकरणी गुन्हा दाखल करण्यात आला आहे. तसंच ठाणे, पनवेल आणि वाशीपर्यंतच्या सर्व स्थानकांचे सीसीटीव्ही फुटेज मागण्यात आले आहेत. सध्या तरुणी ऑक्सिजन सपोर्टवर असून तिचा वैद्यकीय तपासणी अहवाल अद्याप आलेला नाही. ती शुद्धीत आल्यानंतर पुन्हा तिचा जबाब नोंदवला जाणार आहे.
महत्त्वाची टीप : सर्वांनी आपली काळजी घ्या, घरी सुरक्षित रहा, पौष्टिक आहार घ्या, सतत गरम पाणी प्या, तसेच दररोज नियमित व्यायम करा आणि कोरोना पासुन दहा हात लांब रहा.