न्यूज अपडेट : डेब्रिज माफियांना लगाम घाला महापालिका आयुक्तांना मागणी:
● यंदाही डेब्रिज झाकण्यासाठी हिरव्या कापडी जाळीचा आधार
● डेब्रिज कापडी जाळी ने झाकण्याची नामी शक्कल महनगरपालिकेने लढवली
● डेब्रिज माफिया शहारत कुठेही डेब्रिज खाली करतात आणि शहराच्या सौंदर्यात बाधा निर्माण करतात
नवी मुंबई (प्रतिनिधी/विरेंद्र म्हात्रे) :- बुडत्याला काडीचा आधार आणि स्वच्छ सर्वेक्षणात महापालीकेला जाळीचा अश्रू अशी गत आता नवी मुंबई महानगरपालिकेची झाली आहे. कारण सध्या नवी मुंबई शहरात स्वच्छ सर्वेक्षण चे वारे वाहू लागले आहेत आणि यामुळे शहर अधिक स्वच्छ दिसावे म्हणून पालिकेने जोर दिला असून जागो जागी स्वच्छता सुरू आहे. मात्र काही ठीकाणी मोकळ्या भूखंडावर डेब्रिज मुळे दिसणारी अस्वच्छता झाकण्यासाठी पालिकेने मागील वर्षी प्रमाणे यंदाही कापडी जाळीचा आधार घेतला आहे. त्यामुळे शहरातील वाढत्या डेब्रिजच्या अतिक्रमणाचा प्रश्न पुन्हा एकदा ऐरणीवर आला आहे.
स्वच्छ भारत मिशन अंतर्गत मागील वर्षी पार पडलेल्या स्पर्धेत नवी मुंबई शहराला देशात स्वच्छ शहर म्हणून तिसऱ्या क्रमांकाचे नामांकण मिळाले आहे. त्यामुळे यंदा या स्पर्धेत शहराला पहिल्या क्रमांकाचे नामांकन मिळावे म्हणून महानगरपालिकेने कंबर कसली आहे. आणि त्याकरिता पालिकेच्या वतीने स्वच्छ सर्वेक्षण अंतर्गत साफ सफाई ची कामे युद्ध पातळीवर सूरु आहेत. मात्र ही साफसफाई करताना शहरातील मोकळ्या भूखंडावर पडलेले डेब्रिज बाधा आणत आहेत.
आज शहारत बऱ्याच ठिकाणी मिळेल त्या ठिकाणी डेब्रिज माफियांकडून डेब्रिज रिते केले जाते. वास्तविक नवी मुंबईत डेब्रिज टाकन्यास मनाई आहे. मात्र डेब्रिज माफिया शहरा बाहेर डेब्रिज टाकण्यासाठी नवी मुंबई हद्द वाहतूक परवानगी अतिक्रमण विभागाकडून घेतात आणि याच परवानगीचा गैरफायदा घेत डेब्रिज माफिया चुकीच्या पद्धतीने शहारत डेब्रिज टाकतात आणि हे डेब्रिज टाकणाऱ्या वाहनांकडे अतिक्रमण विभाग आणी भरारी पथक अर्थपूर्ण दुर्लक्ष करतात. त्यामुळे हे डेब्रिज माफिया शहारत कुठेही डेब्रिज खाली करतात आणि शहराच्या सौंदर्यात बाधा निर्माण करतात. त्यामुळे डेब्रिज चे वाढते अतिक्रमण रोखण्यात पालिकेला चांगलेच अपयश आले आहे आणि शहरात डेब्रिज चे ढीग वाढत गेले आणि हेच डेब्रिज आता अस्वच्छ दिसू लागले आहे.
स्वच्छ भारत अभियान अंतर्गत प्रत्यक्ष पाहणी करण्यासाठी आता केंद्रातून पथक येत आहेत आणि पाहणी दौऱ्यात डेब्रिज बाधा निर्माण करु शकते?त्यामुळे हे डेब्रिज कापडी जाळी ने झाकण्याची नामी शक्कल पालिकेने लढवली आहे. मात्र वेळीच जर या डेब्रिज माफियांना पालिका अधीकाऱ्यांनी लगाम घातला असता तर आज पालिकेवर स्वतःची नामुष्की झाकण्यासाठी ही वेळ आली नसती. त्यामुळे कडक शिस्तीचे अधिकारी म्हणून प्रचलित झालले मनपा मनपा आयुक्त अभिजित बांगर यांनी शहराला विद्रुप करणाऱ्या या डेब्रिज माफियांना लगाम घालावी अशी मागणी जोर धरू लागली आहे.
स्वच्छ सर्वेक्षण अंतर्गत नवी मुंबई ला प्रथम क्रमांक मिळाले तर ती नवी मुंबईकरांसाठी नक्कीच अभिमानाची गोष्ट असेल. मात्र शहारत अतिक्रमण विभागाच्या आशीर्वादाने जागो जागी पडलेले डेब्रिज हे शहराच्या सौंदर्यात बाधा निर्माण करत आहेत. त्यामुळे प्रथम या डेब्रिज माफियांना मनपा आयुक्तांनी लगाम घातली पाहीजे, तरच शहर सुंदर दिसण्याकडे वाटचाल करेल आणि प्रथम क्रमांक पटकावेल.
गोविंद साळुंखे (सामाजिक कार्यकर्त)
महत्त्वाची टीप : सर्वांनी आपली काळजी घ्या, घरी सुरक्षित रहा, पौष्टिक आहार घ्या, सतत गरम पाणी प्या, तसेच दररोज नियमित व्यायम करा आणि कोरोना पासुन दहा हात लांब रहा.