न्यूज अपडेट : नवी मुंबई पोलिसांनी कळंबोली भंगार माफिया विरोधात उचलला बडगा:

न्यूज अपडेट : नवी मुंबई पोलिसांनी कळंबोली भंगार माफिया विरोधात उचलला बडगा:

● बेकायदेशीर भंगार माफियांवर कडी नजर

पनवेल (प्रतिनिधी) :- कलंबोळी स्टील मार्केट हे आशिया खंडातील सर्वांचे मोठे स्टील मार्केट असून करोडोंची उलाढाल रोज होत असते. अनेक उद्योजक, व्यावसायिक येते आपले काम प्रामाणिक पणे करत आहेत. पण काही भंगार माफिया या व्यवसायिकांना त्रास देत आहेत. आजूबाजूच्या परिसरात बांधकाम व्यवसाय जोरात सुरु आहे. त्यासाठी लागणारा लोखंडी रॉड या भंगार माफियांकडून कमी किंमतीत विकला जात आहे. नवी मुंबई पोलीस आयुक्त बिपीन कुमार यांनी नवी मुंबई पोलीस आयुक्त म्हणून सूत्रे हातात घेतल्यापासून अवैध धंदे,भंगार माफिया, बेकायदेशीर दारू आणि गुन्हेगारांवर कारवाईचा बडगा सुरु केला आहे. 

कळंबोली मधील भंगार माफिया इम्तियाज शेख हा आपल्या साथीदारांच्या मदतीने अनेक काळापासून आपला काळाबाजर चालवत होता. नवी मुंबई पोलीस आयुक्त बिपीन कुमार यांच्या मार्गदर्शनाखाली नवी मुंबई पोलिसांच्या धडाकेबाज कामगिरीमुळे सध्या भंगार माफिया हद्दपार होतील अशी नागरिक व व्यापारी यांना अपेक्षा आहे. इम्तियाज व इतर भंगार माफिया पुन्हा आपले डोके वर काढू नये म्हणून स्थानिक पोलिसांनी लक्ष देणे गरजेचे असल्याचे मत व्यापाऱ्यांनी व्यक्त केले.

महत्त्वाची टीप : सर्वांनी आपली काळजी घ्या, घरी सुरक्षित रहा, पौष्टिक आहार घ्या, सतत गरम पाणी प्या, तसेच दररोज नियमित व्यायम करा आणि कोरोना पासुन दहा हात लांब रहा.