न्यूज अपडेट: नवी मुंबई भूषण लावणी सम्राटचा किताब पटकावला श्री. आशिमिक आनंद कामठे यांनी..।।
जाणून घेऊयात आशिमिक बद्दल थोडक्यात..!!
लावणीचा प्रवास-
अखिल भारतीय मराठी नाट्य परिषदे अंतर्गत संत शिरोमणी कलामंच्यातून श्रीहरी पवळे यांच्या तालमीतून गेली १४ वर्षे अभिनयाची शिकवण ही आशिमिक यांनी घेतली आहे . त्यात त्याला बाल कलाकार पुरस्कार, एकलव्य पुरस्कार, युवा सन्मान अश्या अनेक पुरस्कारांनी सन्मानित करण्यात आले आहे.
परदेशातील कशी मिळाली संधी-
चौरंग निर्मित अशोक हांडे दिग्दर्शित. आवाज की दुनिया,मंगलगाणी दंगलगाणी , आजादी ६० , गाणे सुहाने , माय मराठीच्या लेकी आणि मराठी बाणा या जगप्रसिद्ध कार्यक्रमात गेली १० वर्षे नर्तक म्हणून काम करत आहेत. याच कार्यक्रमा अंतर्गत विदेशी (अमेरिका) दौरा करून स्वतःच्या लावणीची कला ही परदेशात देखील आशिमिक ला रसिकांसमोर दाखवायला मिळाली.
गिनीज बुक ऑफ रेकॉर्ड मध्ये नावाची दखल-
आशिमिक यांनी लगातार १ तास ३८मिनिटे नृत्य करून प्रेक्षकांची मने जिंकली .आणि याच कलेमुळे विराग व आशिमिक यांना "गिनिज बुक ऑफ रेकॉर्ड " तर्फे सन्मानीत करण्यात आले.
चला हवा येऊद्या मधील आशिमिकची भूमिका-
झी मराठी वरील चला हवा येऊ द्या या कार्यक्रमामधे भाऊ कदम, सागर कारंडे, कुशल, भारत गणेशपुरे, श्रेया बुगडे यांची पारंपरिक वेशभूषा (डिजाइन ) आशिमिक स्वतः करतात.
त्याच बरोबर सू प्रसिद्ध सिनेमासृष्टीतील कलाकार नेहा पेंडसे, दिपाली सय्यद, मिरा मोदक, शर्मिष्ठा राऊत अश्या अनेक कलाकारांचे मेकअप व कॉस्ट्यूम हे आशिमिक स्वतः करतात तसेच रंगभूषा वेशभूषा ही ते करतात.
महत्त्वाची टीप : सर्वांनी आपली काळजी घ्या, घरी सुरक्षित रहा, पौष्टिक आहार घ्या, सतत गरम पाणी प्या, तसेच दररोज नियमित व्यायम करा आणि कोरोना पासुन दहा हात लांब रहा.