न्यूज अपडेट: नवी मुंबईतील नाल्यांमध्ये आढळून आली मगर, वनविभागानं घेतल ताब्यात केली सुटका..।।
● महानगर पालिका मुख्यालयाच्या मागील बाजूला असलेल्या बेलापूर खाडीत मगर आढळून आल्यानं मासेमारी करणाऱ्या स्थानिक मच्छीमारांमध्ये भीतीचं वातावरण पसरलं होतं. तर शेवटी ही मगर मंगळवारी वनविभागाच्या जाळ्यात अडकली आहे.
मागील वर्षी ऑगस्ट महिन्यात याच खाडीत एक मगर आढळून आली होती. यानंतर मगरीला पकडून इतरत्र स्थलांतरीत करावं अशी मागणी बेलापूर गावातील स्थानिक नागरिकांनी वन विभागाकडे केली होती. मात्र, वनविभागानं स्थळ पाहणी करून देखील मगर पकडण्यासाठी कुठलीच कारवाई केली नव्हती. त्यामुळे, याठिकाणी मासेमारी करणाऱ्या मच्छिमारांमध्ये व स्थानिक नागरिकांमध्ये भीतीचं वातावरण पसरलं होतं. अशात वनविभागानं या मगरीला पकडल्यानं नागरिकांनी सुटकेचा श्वास सोडला आहे.
बेलापूर परिसरात दिसून आलेली ही मगर 6.43 फूट इतकी लांब होती तर 35.4 किलोग्राम वजनाची होती. ही मगर बर्‍याच वर्षांपासून मुंबईतील नाल्यांमध्ये भटकत होती. वनविभागाच्या अधिकाऱ्यांनी दिलेल्या माहितीनुसार, या मगरीचे अनेक व्हिडीओ आणि फोटोही याआधी अनेकदा सोशल मीडियावर व्हायरल झाले होते. आणखी एक दिलासादायक बाब म्हणजे या काळात या मगरीनं कोणालाही नुकसान पोहोचवलं नाही. सोमवारी रात्री 11 वाजता या मगरीला पकडण्यासाठी जाळं लावण्यात आलं होतं. यानंतर मंगळवारी सकाळी ही मगर वनविभागाच्या जाळ्यात अडकली.
महत्त्वाची टीप : सर्वांनी आपली काळजी घ्या, घरी सुरक्षित रहा, पौष्टिक आहार घ्या, सतत गरम पाणी प्या, तसेच दररोज नियमित व्यायम करा आणि कोरोना पासुन दहा हात लांब रहा.