Skip to main content

न्यूज अपडेट: नवी मुंबईत विशेष दक्षता पथकांची धडाकेबाज कारवाई 3 दिवसात 3 लाख 48 हजार दंड वसूल:

न्यूज अपडेट: नवी मुंबईत विशेष दक्षता पथकांची धडाकेबाज कारवाई 3 दिवसात 3 लाख 48 हजार दंड वसूल:

● नवी मुंबईत विशेष दक्षता पथकांची धडाकेबाज कारवाई 3 दिवसात कोरोना नियमांचे उल्लंघन करणाऱ्या 1120 जणांकडून वसूल केला 3 लक्ष 48 हजार दंड

 ● 10 ऑगस्टपासून 31364 जणांवरील कारवाईतून 1 कोटी 33 लाखाहून अधिक दंडवसूली

नवी मुंबई (प्रतिनिधी) :- 10 मार्चपासून नवी मुंबई महानगरपालिका क्षेत्रातील कोरोना बाधितांच्या संख्येमध्ये लक्षणीय वाढ होताना दिसत असून कोव्हीड 19 प्रतिबंधासाठी महापालिका आयुक्त श्री. अभिजीत बांगर यांच्या निर्देशानुसार 'मिशन ब्रेक द चेन' च्या अधिक प्रभावी अंमलबजावणीस सुरूवात करण्यात आलेली आहे. यामध्ये टेस्टींग वाढीप्रमाणेच लसीकरण वाढीवरही भर देण्यात येत आहे. तसेच दुस-या बाजूला आरोग्य सुविधांमध्येही आवश्यकता लक्षात घेऊन वाढ केली जात आहे.

कोरोना विषाणूचा प्रादुर्भाव रोखण्यासाठी संरक्षक ढालीसारखे काम करणा-या मास्क, सोशल डिस्टन्सींग आणि सतत हात धुणे या त्रिसूत्रीचे नागरिकांकडून काटेकोर पालन करण्याकडेही विशेष लक्ष दिले जात असून याविषयी नागरिकांना विविध माध्यमांतून जागरूक करण्यासोबतच या सुरक्षा नियमांचे उल्लंघन करून वैयक्तीक आणि सामाजिक आरोग्याला बाधा पोहचविणा-या बेजबाबदार नागरिकांना समज म्हणून दंडात्मक कारवाई केली जात आहे.

या कारवाया अधिक प्रभावीपणे करण्यासाठी 155 जणांचा समावेश असणारी विशेष दक्षता पथके सर्व विभागांमध्ये कार्यान्वित करण्यात आलेली असून प्रत्येक पथकात 5 कर्मचारी अशा 31 पथकांमार्फत कोरोना नियमांचे उल्लंघन करणा-या नागरिकांवर धडक कारवाई केली जात आहे.

● प्रत्येक विभाग कार्यालय क्षेत्राकरिता सकाळी 1 व रात्री 1 अशी 2 पथके त्याचप्रमाणे कोरोना प्रसारचा संभाव्य धोका असणा-या एपीएमसी मार्केटकरिता 5 पथके सकाळ, दुपार, रात्र अशा तिन्ही शिफ्टमध्ये कोरोना सुरक्षा नियमांचे उल्लंघन करणा-यांवर कारवाईचा बडगा उगारत आहेत.

 ● विशेष दक्षता पथकांनी आपल्या कारवाईस धडाकेबाज सुरूवात केलेली असून 21 ते 23 मार्च अशा तीनच दिवसात 1120 जणांवर कारवाई करीत 3 लक्ष 48 हजार इतकी दंडात्मक रक्कम वसूल केलेली आहे.

● 10 ऑगस्ट पासून 23 मार्चपर्यंत नवी मुंबई महानगरपालिका क्षेत्रात मास्क, सुरक्षित अंतर, थुंकणे अशा कोव्हीड सुरक्षा नियमांचे उल्लंघन करणा-या 31 हजार 364 व्यक्ती / व्यावसायिक यांच्याकडून एकूण 1 कोटी 33 लक्ष 60 हजार 250 इतकी दंडात्मक रक्कम वसूल करण्यात आलेली आहे.   

विभाग कार्यालय क्षेत्रामध्ये आधीची पोलीसांसह नियुक्त दक्षता पथके सद्यस्थितीत कार्यरत आहेतच. याव्यतिरिक्त मुख्यालय स्तरावरून परिवहन व्यवस्थापक यांच्या नियंत्रणाखीली नियुक्त ही विशेष दक्षता पथके यांचेमार्फत विभागांतील लग्न व इतर समारंभांतील संख्या मर्यादा तसेच रेस्टॉरंट, बार याठिकाणी कोरोना नियमांचे पालन होते की नाही यावरही बारीक लक्ष असणार असून कोरोना विषाणूचा प्रसार रोखण्यासाठी या विशेष दक्षता पथकांमार्फत प्रभावी कामगिरी केली जाणार आहे.

 कोव्हीड सुरक्षा नियम मोडणा-या नागरिकांक़डून दंडात्मक रक्कम वसूलीपेक्षा नागरिकांना कोव्हीड सुरक्षा नियमांचे पालन करण्याची सवय लागणे हा विशेष दक्षता पथके स्थापन करण्यामागील मुख्य उद्देश असून नागरिकांनी कोरोनाचा वाढता धोका ओळखून गाफील न राहता कोव्हीड सुरक्षा नियमांचे व त्रिसूत्रीचे काटेकोर पालन करावे असे आवाहन महापालिका आयुक्त श्री. अभिजीत बांगर यांच्या वतीने करण्यात येत आहे.







महत्त्वाची टीप : सर्वांनी आपली काळजी घ्या, घरी सुरक्षित रहा, पौष्टिक आहार घ्या, सतत गरम पाणी प्या, तसेच दररोज नियमित व्यायम करा आणि कोरोना पासुन दहा हात लांब रहा. 

Popular posts from this blog

डॉ. बाबासाहेब आंबेडकर भारतीय संविधानाचे शिल्पकार आणि स्वतंत्र भारताचे पहिले न्याय मंत्री; समाज सुधारक.

डॉ. बाबासाहेब आंबेडकर भारतीय संविधानाचे शिल्पकार आणि स्वतंत्र भारताचे पहिले न्याय मंत्री;  समाज सुधारक. डॉ. बाबासाहेब आंबेडकर भारतीय संविधानाचे शिल्पकार आणि स्वतंत्र भारताचे पहिले न्याय मंत्री होते व समाज सुधारक होते. डॉ. भिमराव आंबेडकरांनी दलितांच्या उत्थानाकरता आणि भारतातील मागासलेल्या वर्गाच्या प्रगतीकरीता आपल्या संपुर्ण जीवनाचा त्याग केला. डॉ. आंबेडकर दलितांचा उध्दारकर्ता म्हणुन प्रसिध्द आहेत. आज समाजात दलितांना जे स्थान आहे त्याचे पुर्ण श्रेय डॉक्टर भिमराव आंबेडकर यांना जातं. “देशप्रेमापुढे ज्याने स्वतःच्या विश्रांतीचा त्याग केला माणसाला स्वाभिमान शिकवला ज्यांनी आम्हाला संकटाशी सामना करणे शिकवले असा या आकाशात एकमेव तारा बाबासाहेब होता.” डॉ. बाबासाहेब आंबेडकर यांची संपूर्ण माहिती –  Dr. B. R. Ambedkar Biography : नाव (Name):डॉ. भिमराव रामजी आंबेडक जन्म(Birthday):14 एप्रील 1891 (Ambedkar Jayanti) जन्मस्थान (Birthplace):महू, इंदौर मध्यप्रदेश वडिल (Father Name):रामजी मालोजी सकपाळ आई (Mother Name):भीमाबाई मुबारदकर पत्नी (Wife Name):पहिली पत्नी: रमाबाई आंबेडकर (1906.1935)दुसरी पत्नी: सव

आमदार मंदाताई म्हात्रे यांच्या प्रयत्नांना यश तब्बल १६ कोटी ३८ लाख रुपयांचा निधीतून विविध कामांचे भूमिपूजन:

आमदार मंदाताई म्हात्रे यांच्या प्रयत्नांना यश तब्बल १६ कोटी ३८ लाख रुपयांच्या निधीतून विविध कामांचे भूमि पूजन: रविवार दिनांक १० मार्च २०२४ रोजी २०२३-२४ च्या अर्थसंकल्पातून आमदार मंदाताई म्हात्रे यांच्या अथक प्रयत्नातून शासनाकडून कडून मंजूर झालेल्या तब्बल १६ कोटी ३८ लाख रुपयांच्या विविध कामांचे भूमिपूजन संपन्न नवी मुंबई (प्रतिनिधी/रुपाली वाघमारे): बेलापूर विधानसभा क्षेत्राच्या आमदार मंदाताई म्हात्रे यांचा १५१ बेलापूर विधानसभा क्षेत्रामध्ये विकास कामांच्या उद्घाटनाचा धडाका सुरुच आहे. त्याच बरोबर विकास कामांचे भूमिपूजन ही जोरात सुरु आहेत. नवी मुंबईच्या विकास बरोबरच आपल्या मतदार संघामध्ये मुलभूत सोई सुविधांचा विकास करण्याच्या कामांसाठी शासनाकडून अनुदान देण्यात येते या अनुषंगाने बेलापूर विधानसभा क्षेत्राच्या आमदार मंदाताई म्हात्रे यांच्या प्रयत्नांतून आज सायन-मुंबई महामार्गावर वाशी येथील जंक्शनची काँक्रिटने सुधारणा करणे, सायन-पनवेल महामार्गावर नेरूळ व वाशी उड्डाणपुलाच्या दोन्ही मार्गिकेच्या डांबरी पृष्ठभागाची मास्टी व वाशी जंक्शनचे काँक्रिटने सुधारणे करणे तसेच सायन-पनवेल महामार्गावर सीबीडी

सानपाडा येथे श्री. दत्त मंदिर विद्यालयात वार्षिक स्नेहसंमेलन कार्यक्रम संपन्न:

सानपाडा येथे श्री. दत्त मंदिर विद्यालयात वार्षिक स्नेहसंमेलन कार्यक्रम संपन्न: नवी मुंबई (प्रतिनिधी/निशा ढेंगळे):  नवी मुंबई सानपाडा येथे नवी मुंबई महानगरपालिकेच्या श्री. दत्त मंदिर विद्यालयात शाळा क्रमांक १८ व माध्यमिक शाळा क्रमांक ११६ यांच्या वतीने सानपाडा येथे २ मार्च २०२४ वार्षिक स्नेहा संमेलनाचा कार्यक्रम संपन्न झाला. नवी मुंबई महानगरपालिकेचे अनेक पुरस्कार या शाळेला मिळालेले आहेत. त्यामुळे ज्या विद्यार्थ्यांनी हे पुरस्कार मिळवले त्यांचा शाल व तुळशी वृंदावन देऊन सत्कार करण्यात आला. यावेळी शाळेतील शिक्षकांनी सांगितले की खाजगी शाळेत ज्या पालकांची फी भरण्याची आर्थिक परिस्थिती नसते, असे एक हजार गरीब व गरजू विद्यार्थी या शाळेत शिकत असून त्यांच्या कलागुणांना वाव देण्यासाठी हा कौतुक सोहळा आयोजित करण्यात आला होता. यावेळी माजी नगरसेवक सोमनाथ वासकर यांच्या वतीने भोजनाची ही व्यवस्था करण्यात आली तसेच विद्यार्थ्यांना कोरिओग्राफी, ड्रेस कोड हे सुद्धा माजी नगरसेवक सोमनाथ वासकर यांच्या स्वनिधीतून करण्यात आले, दरवर्षीप्रमाणे या वर्षी ही चांगले सहकार्य त्यांच्याकडून मिळाले. यावर्षी वार्षिक स्नेहसंमे