न्यूज अपडेट: चिंचपाडा गावातील नवी मुंबई आंतरराष्ट्रीय विमानतळ बाधितांचा आक्रमक लढा:
मागण्या पूर्ण न केल्याने प्रकल्पग्रस्त आक्रमक -
नवी मुंबई आंतरराष्ट्रीय विमानतळात अडथळा ठरणाऱ्या गावांतील ग्रामस्थांना वडघर, करंजाडे या ठिकाणी स्थलांतरित केले आहे. या ग्रामस्थांना सिडकोने जागा दिली असली तरी तिथे अद्याप कोणत्याही सुविधा पुरवण्यात आल्या नसल्याचा आरोप प्रकल्पग्रस्त करीत आहेत. सिडकोने केवळ मोकळ्या भूखंडावर प्रत्येकाला जागा आखून दिली आहे. त्या जागेवर विमानतळ बाधितांना आपली घरे बांधायची आहेत. मात्र तोपर्यंत बाधितांना भाड्याच्या घरात राहावे लागत आहे. भाड्याने राहायला गेल्यावर तर ग्रामस्थांच्या अधिकच अडचणीत वाढ होत आहे. विमानतळ बाधितांसाठी सिडकोच्या वतीने वडघर पुष्पकनगर वसवण्यात आले आहे. या ठिकाणी अजून कोणत्याच प्राथमिक सोयी-सुविधा नसल्याने ग्रामस्थ येथे राहायला गेले नाहीत. या अडचणी सिडकोने तत्काळ सोडवाव्यात यासाठी ग्रामस्थ आक्रमक झाले आहेत.
महत्त्वाची टीप : सर्वांनी आपली काळजी घ्या, घरी सुरक्षित रहा, पौष्टिक आहार घ्या, सतत गरम पाणी प्या, तसेच दररोज नियमित व्यायम करा आणि कोरोना पासुन दहा हात लांब रहा.