न्यूज अपडेट: सरकारची PF बाबतची मोठी घोषणा; करमुक्त मर्यादा दुप्पट, पाच लाखांपर्यंत करमुक्त:

न्यूज अपडेट: सरकारची PF बाबतची मोठी घोषणा; करमुक्त मर्यादा दुप्पट, पाच लाखांपर्यंत करमुक्त:

नवी मुंबई (प्रतिनिधी) :- निर्वाह निधीबाबत सरकारने मोठी घोषणा केलीय. आता पीएफ खात्यात 5 लाखांपर्यंतची रक्कम करमुक्त करण्यात आलीय.1 फेब्रुवारी 2021 रोजी अर्थमंत्री निर्मला सीतारामण यांनी अर्थसंकल्प सादर करताना सांगितले की, पीएफ खात्यातील अडीच लाखांपर्यंतची रक्कम करमुक्त राहील. त्यापलीकडे पैसे जमा केल्यास अतिरिक्त रकमेवरील व्याज करपात्र असणार आहे. परंतु आता ही मर्यादा दुप्पट करण्यात आलीय. म्हणजेच जर आपण एका वर्षात 5 पीएफ खात्यात पाच लाखांपर्यंतची रक्कम जमा केली तर व्याज पूर्णपणे करमुक्त होणार आहे.

सेवानिवृत्ती निधीमध्ये मालकाचे कोणतेही योगदान नसल्यास हा नियम लागू होणार आहे. वित्त विधेयक आज लोकसभेत मंजूर झाले. या विधेयकावरील चर्चेदरम्यान अर्थमंत्री निर्मला सीतारामण यांनी लोकसभेत पीएफ मर्यादा अडीच लाखांवरून पाच लाखांपर्यंत वाढवण्याची घोषणा केली. 

लोकसभेच्या वित्त विधेयकास मान्यता मिळाल्यानंतर अर्थसंकल्पाच्या घोषणेस 1 फेब्रुवारी रोजी मान्यता देण्यात आली. 2021-22 या आर्थिक वर्षासाठी अर्थसंकल्प जाहीर करण्यात आला. पीएफ व्याज करपात्र करण्याच्या परिणामाचा केवळ एक टक्का फायदा होईल, असे अर्थमंत्र्यांनी पुन्हा सांगितले.

महत्त्वाची टीप : सर्वांनी आपली काळजी घ्या, घरी सुरक्षित रहा, पौष्टिक आहार घ्या, सतत गरम पाणी प्या, तसेच दररोज नियमित व्यायम करा आणि कोरोना पासुन दहा हात लांब रहा.