न्यूज अपडेट: कोरोना काळात काळजी घ्या..नियम पाळा: डॉ. प्रतिक तांबे यांचे मार्गदर्शन शिबिर:
● नवी मुंबई येथील महापे एम.आय.डी.सी मधील डोविएर इंडिया प्रायव्हेट लिमिटेड येथील कर्मचारी व अधिकारी यांना डॅा.प्रतिक तांबे यांचे मार्गदर्शन.
ताप, सर्दी, खोकला, थकवा, दम लागणे, डोकेदुखी, जुलाब अथवा इतर कोणत्याही शारीरिक समस्या उद्भवल्यास त्वरित डॉक्टरांचा सल्ला घेणे आवश्यक आहे तसेच जर डॉक्टरांनी कोरोना ची चाचणी करावयास सांगितली तर ती तपासणी लगेच करून, जोपर्यंत रिपोर्ट येत नाही तोपर्यंत घरातच विलगीकरणात राहणे, रिपोर्ट पॉझिटिव्ह आला तर आपल्या विभागातील शासकीय वैद्यकीय अधिकारी अथवा फॅमिली डॉक्टरांशी संपर्क करून डॉक्टर सांगतील त्याप्रमाणे विलगीकरण कक्षात अथवा हॉस्पिटलमध्ये लगेच दाखल झाल्यास लवकर उपचार सुरू होऊन रुग्ण लवकर बरा होतो याबाबत सांगितले. या दरम्यान सकस आहार, योगा, सकारात्मक विचार करणे महत्त्वाचे आहे हे ही सांगितले.
मार्गदर्शन झाल्यानंतर कंपनीमधील अनेक अधिकारी, कर्मचारी यांनी कोरोना बाबत अनेक शंका, प्रश्न विचारले यावर डॉ. तांबे यांनी सर्व शंकांचे निरसन करून मास्क वापरणे, वारंवार हात धुणे, सोशल डिस्टंसिंगचे पालन करणे, गर्दीत जाणे टाळणे याची सवय लावून घेणे आता आयुष्यभर गरजेचे आहे हे सांगितले. हे मार्गदर्शन शिबिर यशस्वी होण्यासाठी डोविएर कंपनीचे एच.आर.श्री.सुरेश शिंदे, श्री.हर्षल गोर, श्री.प्रितेश बरे, श्री.रोहीत खरात, श्री.राकेश घोळे, श्री.नरेश शेलवले, श्री.प्रदिप शेटकर यांनी पुढाकार घेतला.
महत्त्वाची टीप : सर्वांनी आपली काळजी घ्या, घरी सुरक्षित रहा, पौष्टिक आहार घ्या, सतत गरम पाणी प्या, तसेच दररोज नियमित व्यायम करा आणि कोरोना पासुन दहा हात लांब रहा.