न्यूज अपडेट: पनवेल महापौर डॉ. कविता चौतमोल यांच्याहस्ते पाककला स्पर्धेतील विजेत्यांना बक्षीस वितरण:
पनवेल / (प्रतिनिधी) : श्रीमंत छत्रपती उदयनराजे भोसले संस्थापक असलेल्या राजे प्रतिष्ठान कामगार सेनेमार्फत माजी खासदार लोकनेते रामशेठ ठाकूर यांच्या ७० व्या वाढदिवसानिमित्त विविध ७० सामाजिक कार्यक्रमांचे आयोजन करण्यात आले असून आजपर्यंत अनेक लोकउपयोगी कार्यक्रम पार पडले आहेत. त्याचप्रमाणे पनवेलमध्ये शनिवार दिनांक १० एप्रिल २०२१ रोजी पाककलेची आवड असणाऱ्यांसाठी स्पर्धेचे आयोजन करण्यात आले होते लॉकडाऊनमुळे हि स्पर्धा ऑनलाईन पद्धतीने घेण्यात आली होती. या स्पर्धेमध्ये व्हेज आणि नॉनव्हेज स्टार्टर पदार्थांचा समावेश होता. या स्पर्धेत अनेक महिलांनी व पुरुषांनी देखील सहभाग घेऊन भरघोस प्रतिसाद दिला. उत्कृष्ठ पाककलाकृती सादर करणाऱ्या भगिनींना मान्यवरांच्या हस्ते बक्षिस वितरण करण्यात आले.
सदर पाककला स्पर्धा हि अल्पसंख्यांक इंग्रजी स्कूल येथे होणार होती मात्र वाढता कोरोनाचा प्रादुर्भाव लक्षात घेता शासनाने लॉकडाऊन घोषित केले आहे त्यामुळे ऑनलाईन पद्धतीने हि स्पर्धा घेऊन याचा निकाल जाहीर करण्यात आला. लॉकडाऊनमुळे स्पर्धकांना त्यांनी बनवलेले पदार्थ होम डिलिव्हरी करण्याचे आवाहन करण्यात आले होते त्यानुसार पनवेल, तळोजा, नवीन पनवेल याठिकाणाहून स्पर्धकांनी त्यांचे पदार्थ पाठवून दिले होते त्यानुसार परीक्षकांनि पदार्थांची चव घेऊन त्याप्रमाणे निकाल दिले. यामध्ये प्रथम क्रमांक निगार आसिफ सुभेदार तळोजे यांनी चिकन फिश चिकन चेक्स चटई, चिकन चिस ब्रेड बर्गर आणि चिकन फिंगर्स हे पदार्थ बनवून पटकावला तर द्वितीय क्रमांक पनवेल कच्छी मोहल्ला येथे राहणारे नदीम कुंवारी यांनी चिकन क्रिस्पी, चिकन मलाई कटलेट, दही वडा हे पदार्थ बनवून पटकावला व तृतीय क्रमांकांचे मानकरी भुसार मोहल्ला येथे राहणाऱ्या तांबे आर्शिया अब्दुल अजीज यांनी चिकन नगेट्स बनवून ठरल्या आहेत या प्रमाणे उत्तेजनार्थ म्हणून नवीन पनवेल येथे राहणारे व जिंजर स्पाईस या प्रसिद्ध चायनीजचे आशिष राजेंद्र गुप्ता यांनी चिकन पदार्थ बनवल्याने त्यांना जाहीर करण्यात आले होते.
या सर्व विजेत्यांना आज पनवेलच्या महापौर डॉ. कविता चौतमोल, कामगार नेत्या श्रुती म्हात्रे, आशा कि किरण फाउंडेशनच्या Co Founder नूरजहाँ कुरेशी MSW, रे एज्युकेशनच्या फाउंडर आयेशा रणदिवे यांच्याहस्ते बक्षिसे देण्यात आली. यावेळी महापौर कविता चौतमोल यांनी राजे प्रतिष्ठान कामगार सेनेतर्फे सुरु असलेल्या कार्याचे कौतुक करून पुढील कार्यास शुभेच्छा दिल्या. यावेळी राजे प्रतिष्ठान कामगार सेनेचे सहचिटणीस केवल महाडिक, आशा कि किरण फाउंडेशनचे अध्यक्ष बशीरभाई कुरेशी, नवीन पनवेल उपाध्यक्ष विजय दुन्द्रेकर, सचिव सुरेश भोईर, अमित पंडित, ओमकार महाडिक, रहीस शेख, सतीश झेंडे आदी उपस्थित होते.
महत्त्वाची टीप : सर्वांनी आपली काळजी घ्या, घरी सुरक्षित रहा, पौष्टिक आहार घ्या, सतत गरम पाणी प्या, तसेच दररोज नियमित व्यायम करा आणि कोरोना पासुन दहा हात लांब रहा.