न्यूज अपडेट: डॉ. मुनीर तांबोळी यांच्या इशाऱ्यानंतर करंजाडे येथील प्राथमिक आरोग्य केंद्राचे उदघाटन:
पनवेल (प्रतिनिधी/काशीनाथ नाईक) :- दक्ष नागरिक संस्थेचे राष्ट्रीय अध्यक्ष डॉ.मुनीर तांबोळी यांनी सिडको व्यवस्थापकीय संचालक व जिल्हा परिषद मुख्य कार्यकारी अधिकारी यांना पत्र पाठवत 15 दिवसात करंजाडे परिसरातील प्राथमिक आरोग्य केंद्र सुरू न केल्यास सिडको व जिल्हापरिषद अधिकाऱ्यांना करंजाडे परिसरात फिरकू देणार अशा स्पष्ट इशारा दिला होता. त्यानंतर जिल्हा आरोग्य व सिडको आरोग्य विभाग यांच्या समन्वयाने हे आरोग्य उपकेंद्र पनवेल पंचायत समिती आरोग्य विभागाकडे हस्तांतरित करण्यात आले.
त्यानुसार हा उपकेंद्र सुरू करण्याच्या हलचाली सुरु झाल्या आणि सोमवारी पालकमंत्री यांच्या हस्ते फित कापून केंद्र सुरू झाले.तिथे येत्या दोन दिवसात कोविड लसीकरण केंद्र सुरू होणार आहे. करंजाडे चिंचपाडा परिसरातील नागरिक आरोग्य केंद्र बांधून तयार होते.हे केंद्र उदघाटनाच्या प्रतीक्षेत होते.कोरोना बधितांना उपचार करण्यासाठी एकीकडे हॉस्पिटलमध्ये बेडची शोधा - शोधा करावी लागते.
तर दुसरीकडे करंजाडे येथील आरोग्य उपकेंद्र धूळ खात पडून होते.जिल्हा परिषद व सिडको मध्ये समन्वय नसल्याने नागरिकांना त्रास होत होता.या केंद्रात रुग्ण तपासणीसह कोविड 19 लसीकरण, औषध उपचार आणि अन्य आरोग्य सुविधा उपलब्ध करून दिल्या जाव्यात अशी नागरिकांची अपेक्षा आहे. तसेच साध्य कोविड सेंटर सुरू करून नागरिकांना दिलासा दयावा. सिडको प्रशासन व जिल्हा परिषद प्रशासन या मध्ये जर समन्वय राहत नसेल तर सामाजिक दृष्ट्या धोकादायक आहे.
त्याचा फटका नागरिकांना सहन करावा लागत आहे.हे मात्र अजिबात सहन केले जाणार नाही.येत्या 15 दिवसात करंजाडे परिसरातील नागरिक प्राथमिक आरोग्य केंद्र सुरू न केल्यास त्याचे गंभीर परिणाम सिडको व जिल्हापरिषदेला भोगावे लागतील आणि त्याला सर्वस्वी आपण जबाबदार असाल असे खरखरीत पत्र सिडको व जिल्हापरिषद ला पाठवून इशारा दिला होता. मागील दोन वर्षापासून करंजाडे ग्रामपंचायत, अनेक सामाजिक संस्था उपकेंद्र सुरू करण्यासाठी पाठपुरावा करत होते.
महत्त्वाची टीप : सर्वांनी आपली काळजी घ्या, घरी सुरक्षित रहा, पौष्टिक आहार घ्या, सतत गरम पाणी प्या, तसेच दररोज नियमित व्यायम करा आणि कोरोना पासुन दहा हात लांब रहा.