न्यूज अपडेट: महापालिकेची खारघरमधील बोगस डॉक्टरवर कारवाई..!!
खारघर पोलिस स्थानकाचे वरिष्ठ पोलिस निरीक्षक शत्रुघ्न माळी तसेच सहाय्यक पोलिस निरीक्षक मानसिंग पाटील आणि महापालिका अधिकारी, कर्मचारी यांनी संयुक्त स्टींग ऑपरेशन करून बोगस डॉक्टरवरती कारवाई करण्यात आली. सदर डॉक्टरकडे वैद्यकिय व्यवसाय करण्याचा परवाना नसल्याचे सिध्द झाल्याने खारघर पोलिस स्थानकांमध्ये या डॉक्टरवरती गुन्हा दाखल करण्यात आला आहे.
पनवेल महानगरपालिका क्षेत्रातील सर्व खाजगी रुग्णालये व खासगी वैद्यकिय व्यवसायिकांना सतर्कतेचा इशारा आहे, त्यांनी आपल्या रुग्णालयातील डॉक्टरर्सचे मूळ प्रमाणपत्र तपासून घेणे आवश्यक आहे. अन्यथा त्या बनावट डॉक्टरवर कडक कारवाई केली जाईल. विनाकारण त्या रूग्णालयालाही त्रास होऊ शकतो. यापुढे महानगरपालिका कार्यक्षेत्रात असे बनावट डॉक्टर आढळले तर त्यांच्यावर कठोर कारवाई करण्याच्या सूचना वैद्यकिय आरोग्य विभागास दिल्या आहेत.
श्री.सुधाकर देशमुख (आयुक्त, पनवेल महानगरपालिका)
यापुढे अशा कारवाईमध्ये पोलिस विभागाच्यावतीने पनवेल महानगरपालिकेस मदत करण्याचे आश्वासन यावेळी वरिष्ठ पोलिस निरीक्षक शत्रुघ्न माळी यांनी दिले.
महत्त्वाची टीप : सर्वांनी आपली काळजी घ्या, घरी सुरक्षित रहा, पौष्टिक आहार घ्या, सतत गरम पाणी प्या, तसेच दररोज नियमित व्यायम करा आणि कोरोना पासुन दहा हात लांब रहा.