न्यूज अपडेट: जमिनीच्या गैरव्यवहार प्रकरणी, उरणच्या तत्कालीन तहसीलदार कल्पना गोडे यांच्या सह ९ जणांवर गुन्हा दाखल:

न्यूज अपडेट: जमिनीच्या गैरव्यवहार प्रकरणी, उरणच्या तत्कालीन तहसीलदार कल्पना गोडे यांच्या सह ९ जणांवर गुन्हा दाखल:

उरण (प्रतिनिधी/दिव्या पाटील) :- जमीन गैरव्यवहाराची प्रकरणे घडतच असतात, स्थानिकांचा विश्वास संपादित करून जमिनीचे गैरव्यवहार होत असतात. आर्थिक फसवणूक आणि मूळ कागदपत्रांमध्ये फेरफार केल्याचा प्रकार उरणमध्ये नुकताच उघडकीस आला आहे. उरणमधील तत्कालीन तहसीलदार कल्पना गोडे यांच्यासह नऊ दलालांविरुद्ध, नवी मुंबईतील व्यवसायिक किसन राठोड यांनी उरण पोलीस ठाण्यात गुन्हा दाखल केला आहे. 

तत्कालीन तहसीलदार कल्पना गोडे यांनी घनश्याम भोईर , संदेश भोईर, संग्राम घरत, किशोर केणी, बाळकृष्ण महादेव ठाकुर, महादेव ठाकूर, योगेश खारपाटील, निलेश पवार, विनायक ताम्हणकर आणि हुसेन सय्यद या नऊ दलालांसह जमिनीचा गैरव्यवहार, बनावट कागदपत्रांच्या आधारे केला असून तब्बल १ कोटी ८३ लाख रुपयांचा गंडा स्थानिकांना लावला असल्याचे समोर आले आहे. ह्या प्रकारामुळे परिसरात खळबळ माजली आहे. 

महसूल खात्याच्या काही अधिकाऱ्यांना हाताशी धरुन स्थानिकांनी जमीन घोटाळ्याबाबत अधिक माहिती घेऊन सावधानता बजावली आहे. शुक्रवारी उरण पोलीस ठाण्यात हा गुन्हा दाखल केल्यानंतर, त्वरित वरिष्ठांच्या आदेशाने हा गुन्हा नवी मुंबई आर्थिक गुन्हा शाखे कडे वर्गीत केला असून ह्याबाबत अधिक तपास सुरू आहे असे उरणचे वरिष्ठ पोलीस निरीक्षक रवींद्र बुधवंत यांनी सांगितले आहे.

महत्त्वाची टीप : सर्वांनी आपली काळजी घ्या, घरी सुरक्षित रहा, पौष्टिक आहार घ्या, सतत गरम पाणी प्या, तसेच दररोज नियमित व्यायम करा आणि कोरोना पासुन दहा हात लांब रहा.