न्यूज अपडेट: आगरी साहित्यिक सर्वेश तरेंची नवी संकल्पना; आईचे स्वप्न साकारत "चिऊताई फाउंडेशन" द्वारे कॅन्सरग्रस्तांच्या उपचारासाठी आवाहन:
न्यूज अपडेट: आगरी साहित्यिक सर्वेश तरेंची नवी संकल्पना; आईचे स्वप्न साकारत "चिऊताई फाउंडेशन" द्वारे कॅन्सरग्रस्तांच्या उपचारासाठी आवाहन:
ठाणे (प्रतिनिधी/दिव्या पाटील) :- आगरी साहित्यीक सर्वेश तरे यांनी आपल्या आईचे स्वप्न साकारण्यासाठी "चिऊताई फाउंडेशन" ची स्थापना करीत, कर्करोगाने ग्रस्त असलेल्यांना मदत करण्याचे ठरवले आहे. मागील काही महिन्यांपूर्वीच सर्वेश तरे यांच्या आई अश्विनी तरे यांना स्वर्गवास झाला. कॅन्सर पीडितांना मदत करणे ही त्यांच्या आईची इच्छा होती, आपल्या आईचे स्वप्न साकार करण्यासाठी वाढदिवसाच्या निमित्ताने येत्या २० जुलैला आईच्या स्मृतिप्रीत्यर्थ चिऊताई फाउंडेशनच्या माध्यमातून कॅन्सर पीडितांना मदत करण्याचे आवाहन समोर ठेवीत ह्या उपक्रमाला सुरुवात होणार आहे.
भिवंडी येथील रोटरी क्लब ऑफ भिवंडी अर्थात बिकेसी द्वारे कॅन्सर ग्रस्त रुग्णांवर किमोथेरपी आणि डायलिसिस मोफतरित्या केले जाते. आता पर्यंत अनेक कॅन्सरग्रस्तांनी याचा लाभ घेतला आहे . यंदा बिकेसीच्या माध्यमातून तब्बल ५०० रुग्णांवर मोफत डायलिसिस आणि किमोथेरपी करायचे ठरवण्यात आले आहे. बिकेसीच्या ह्या कार्यात सहभाग घेत,प्राणवायू कॅन्सर सेंटर च्या माध्यमातून सर्वेश तरे ह्यांनी चिऊताई फाउंडेशनद्वारे हा उपक्रम राबविण्याचे ठरवले आहे. ह्यासाठी जास्तीत जास्त जणांनी ह्या उपक्रमात आपला सकारात्मक सहभाग दाखवून जमेल त्या प्रकारे छोटीशी आर्थिक मदत करावी असे आवाहन सर्वेश तरे ह्यांनी केले आहे.
"वाढदिवशी कोणत्याही प्रकारची भेटवस्तू आणि शुभेच्छा न देता,चिऊताई फाऊंडेशनच्या उपक्रमात सहभाग घेत सढळ हाताने मदत करावी असे आवाहन सर्वेश तरे यांनी आपल्या प्रियजनांना केले आहे"
महत्त्वाची टीप : सर्वांनी आपली काळजी घ्या, घरी सुरक्षित रहा, पौष्टिक आहार घ्या, सतत गरम पाणी प्या, तसेच दररोज नियमित व्यायम करा आणि कोरोना पासुन दहा हात लांब रहा.