ब्रेकिंग न्यूज: नेरुळ मधे धक्कादायक प्रकार- बायकोचा खोटा मृत्यु दाखला बनवून नवर्याने केली संपत्ती हडप:
ब्रेकिंग न्यूज: नेरुळ मधे धक्कादायक प्रकार- बायकोचा खोटा मृत्यु दाखला बनवून नवर्याने केली संपत्ती हडप:
नवी मुंबई (प्रतिनिधी) :- नवी मुंबई नेरुळ येथे जिवंत असलेल्या बायकोचा खोटा मृत्यू दाखला बनवून नवर्या कढून बायकोच्या नावावर असलेली संपत्ती हडपल्याचा धक्कादायक प्रकार उघडकीस आला आहे . यामध्ये नेरूळच्या नामांकित रुग्णालयाने महिलेचा मृत्यू दाखला बनवून दिल्याचे समोर आले आहे . त्यानुसार आरोपी पती व रुग्णालयाविरोधात महिलेने पोलिसांकडे तक्रारीचा अर्ज दिला आहे. सौ. विजया रेड्डी गंगाडी ( वय ५८ ) या महिलेसोबत हा प्रकार घडला आहे. त्या जिवंत असतानादेखील त्यांचा मृत्यू दाखला वापरून त्यांची तेलंगणा येथील त्यांची शेत जमीन, नेरूळ पाम बीचचे घर देखील विक्री करण्याचा प्रयत्न. त्याशिवाय त्यांच्या बँकेच्या, शेयर व्यवहारातही या दाखल्याचा वापर करण्यात आला आहे. शेयर बाजारातील पैसे देखील लंपास केले. विजया रेड्डी यांनी आपल्या पतीनेच ही आपली फसवणूक केल्याचा आरोप केला असुन, तसा तक्रार अर्ज त्यांनी पोलिसांकडे दिला आहे.
दरम्यान, पतीसोबतच्या भांडणाला कंटाळून त्या २०१५ मध्ये आंध्र प्रदेश त्यांच्या गावी बहिणीकडे निघून गेल्या होत्या. यादरम्यान २०२० मध्ये त्यांनी तेलंगणा येथे त्यांच्या नावे असलेल्या जमिनीची चौकशी केली असता ती जमीन विकण्यात आली असल्याचे त्यांच्या समोर आले. यामुळे त्यांनी व्यवहारासाठी वापरण्यात आलेल्या कागदपत्रांची पाहणी केली असता, विजया रेड्डी या जिवंत असतानाही त्यांच्या पतीने त्यांचा मृत्यू दाखला वापरून हा व्यवहार केल्याचे समोर आले. ही बाब निदर्शनास आल्यानंतर तेथील तहसीलदार कार्यालयामार्फत पती वेंकट रेड्डी विरोधात गुन्हा दाखल करण्यात आला आहे. त्यांनी वापरलेला मृत्यू दाखल हा नेरूळच्या रुग्णालयाचा आहे. या रुग्णालयाने कोणत्या आधारावर त्यांना हा मृत्यू दाखला बनवून दिला याची चौकशीची मागणी त्यांच्याकडून होत आहे.
महत्त्वाची टीप : सर्वांनी आपली काळजी घ्या, घरी सुरक्षित रहा, पौष्टिक आहार घ्या, सतत गरम पाणी प्या, तसेच दररोज नियमित व्यायम करा आणि कोरोना पासुन दहा हात लांब रहा.