न्यूज अपडेट: तरुण कलावंतांनी नवी मुंबईत उभा केला रेकॉर्डिंग स्टुडिओ; सिनेकलाकारांनी लावली उद्घाटन सोहळ्याला हजेरी..।।
न्यूज अपडेट: तरुण कलावंतांनी नवी मुंबईत उभा केला रेकॉर्डिंग स्टुडिओ; सिनेकलाकारांनी लावली उद्घाटन सोहळ्याला हजेरी..।।
नवी मुंबई :- कला आणि सिनेसृष्टीत नव्या तरुण कलावंतांना अनेक काळ संघर्ष केल्यानंतर काम करण्याची संधी मिळते. त्यामुळे अनेक तरुण कलावंत सुरुवातीलाच हार मानतात, तर काही जिद्दीच्या जोरावर कला क्षेत्रात आपलं नाव मोठ करतात. त्यामुळे फार कमी तरुण या क्षेत्राकडे वळतात. मात्र, याच कला क्षेत्रात महाराष्ट्राच्या विविध भागातील तरुणांनी आपलं वेगळं स्थान निर्माण करत नवी मुंबईत स्वत:चा सुज्ज रेकाॅर्डिंग स्टुडिओ उभा केला आहे. नुकत्याच या स्टुडिओचा उद्घाटन सोहळा संपन्न झाला असून त्याला मराठी सिनेसृष्टीतील नामवंत कलाकारांनी हजेरी दर्शवली.
कला क्षेत्रात संघर्षमय प्रवास करत आणि लोकांच्या मनावर अधिराज्य गाजवत महाराष्ट्राच्या विविध भागातल्या तरुणांनी आपल्या प्रयत्नांची पराकाष्टा करत नवी मुंबईच्या तुर्भे येथे सुसज्ज स्टुडिओची निर्मिती केली आहे. 'अनुसया आर्ट स्टुडिओ' असे या स्टुडिओचे नाव आहे. शिरीष पवार आणि प्रवीण दाभाडे यांच्या संकल्पनेतून हा स्टुडिओ उभा करण्यात आला. या दोन्ही तरुणांनी रात्रीचा दिवस करत अवघ्या एका महिन्यात हा सुसज्ज स्टुडिओ उभा केला आहे.
स्टुडिओ उभा करताना या दोन्ही तरुणांना सुप्रसिद्ध शिल्पकार गोपाळ गंगावणे ,शाहीर बाबासाहेब आटकळे, ओमय आनंद, अमित पडवळकर, मनोज पाटील, रवींद्र लोकरे ,असित सकपाळ, आकाश मोरे ,रोशनी कुलकर्णी, कुंदन जाधव आणि संतोष संखद यांनी मोलाची साथ दिली.
या स्टुडिओचा उद्घाटन सोहळा दि. २६ सप्टेंबर रोजी पार पडला. या सोहळ्याला अभिनेत्री नम्रता आवटे, वनिता खरात यांची विशेष उपस्थिती लाभली. विविध क्षेत्रातील मान्यवरांच्या उपस्थितीत हा उद्घाटन सोहळा पार पडला.
यावेळी अनुसया आर्ट प्रायव्हेट लिमिटेड, निजात कलेक्टिव्ह संकल्पनि क्रिएशन्स् आणि ऊदान प्रोडक्शन्स यांची संयुक्त निर्मिती असणारे तीन महत्त्वपूर्ण प्रोजेक्ट घोषित करण्यात आले. यामध्ये दोन मराठी चित्रपट आणि वेबसीरिज चा पोस्टर लॉन्चिंग चा सोहळा संपन्न झाला. ओमय साठे यांच्या 'गोंधळ' आणि रवींद्र शिवाजी यांच्या 'रौद्र' या मराठी चित्रपटाचे पोस्टर लाँच करण्यात आले. तसेच संतोष संखद आणि शिरीष पवार यांच्या T F F- 'दि फकींग फ्रेंड्स' या वेबसिरीजचे पोस्टर देखील अनावरण करण्यात आले.
(बातमी- विशाल गांगुर्डे)
महत्त्वाची टीप : सर्वांनी आपली काळजी घ्या, घरी सुरक्षित रहा, पौष्टिक आहार घ्या, सतत गरम पाणी प्या, तसेच दररोज नियमित व्यायम करा आणि कोरोना पासुन दहा हात लांब रहा.