न्यूज अपडेट: पनवेल महापालिकेच्या गैरप्रकार प्रकरणी फौजदारी गुन्हे दाखल करावे अशी मागणी मानवी हक्क संरक्षण फेडरेशन ने आयुक्तांकडे केली:
न्यूज अपडेट: पनवेल महापालिकेच्या गैरप्रकार प्रकरणी फौजदारी गुन्हे दाखल करावे अशी मागणी मानवी हक्क संरक्षण फेडरेशन ने आयुक्तांकडे केली:
पनवेल (प्रतिनिधी/प्रदीप पाटील) :- पनवेल म.न.पा. हद्दीत मार्च २०२० मध्ये कोरोना महामारीचा शिरकाव झाला होता. बघता बघता या विषानूणे पालिका हद्दीत हाहाकार माजवला होता. नवीन रूग्ण संख्या सोबत, मृत्यूदर देखील चिंतेत भर टाकणारा होता. ही वाढती रुग्णसंख्या कमी करण्यासाठी तत्कालीन पालिकेचे आयुक्त यांनी शासनाच्या आदेशानुसार अनेक उपाय योजना सुरू केल्या होत्या. त्यानुसार नियमांचे उल्लंघन करणाऱ्या रहिवाशी, दुकानदार यांच्यावर कारवाई करण्याचे शासनाचे आदेश होते. या संदर्भात साई गणेश व गुरुजी एंटरप्रायजेस या कंपनीला दंड वसूल करण्याचे आदेश देण्यात आले होते. कोरोनाच्या काळातही बिकट परिस्थितीशी झुंज देणाऱ्या व्यावसायिक व रहिवाशांना अनेक वेळा या कर्मचाऱ्यांकडून चुकीची वागणूक मिळत असे.
नियमांचे उल्लंघन करून दुजाभाव करत बऱ्याच वेळा कारवाई करण्यात आली होती. दंडात्मक कारवाई करण्यासाठी पालिकेने नेमलेल्या सॅनेटरी इन्स्पेक्टरने, दंडाच्या पावती मध्ये हजारो रुपयांची हेराफेरी केल्या प्रकरणी, ५ सॅनेटरी इन्स्पेक्टरांना कामावरून कमी केल्याचा धक्कादायक प्रकार पालिकेत घडला आहे. हे पाच कर्मचारी कंत्राटी असल्याची माहिती समोर आली आहे. ही कारवाई दंडात्मक असून मास्क न घालने, दुकानात गर्दी करणे, सोशल डिस्टसीगचे नियम पळणाऱ्यांना ५०० रूपया पासून ५ हजार ते अगदी १० हजाराचा दंड कर्मचारी लगावत होते.
अश्या गैर प्रकरण करणाच्या पाच कर्मचाऱ्यांना कामा वरून कमी करण्याच्या सूचना संबंधित ठेकेदाराना केल्याचे समजले. परंतु यांच्यावर वरदहस्त नक्की कोणाचा ? ठेकेदार कि वॉर्ड अधिकारी याची सखोल चौकशी होणे गरजेचे आहे. या संदर्भात मानवी हक्क संरक्षण फेडरेशन तर्फे राष्ट्रीय अध्यक्ष डॉ.मुनीर तांबोळी,राष्ट्रीय कार्याध्यक्ष श्रेयस ठाकूर यांनी महापालिका आयुक्तांना पत्र पाठवून दोषींवर फौजदारी गुन्हा दाखल करण्यात यावा आणि दंडाची रक्कम वसूल करण्यात यावी अशी मागणी केली आहे.
महत्त्वाची टीप : सर्वांनी आपली काळजी घ्या, घरी सुरक्षित रहा, पौष्टिक आहार घ्या, सतत गरम पाणी प्या, तसेच दररोज नियमित व्यायम करा आणि कोरोना पासुन दहा हात लांब रहा.