न्यूज अपडेट: मूव्हमेंट ऑफ बुद्धिस्ट केव्ज् प्रिझर्व्हेशन ॲण्ड रिस्टोरेशन संस्थे मार्फत भाजे बुद्ध लेणींवर कार्यशाळा संपन्न:
न्यूज अपडेट: मूव्हमेंट ऑफ बुद्धिस्ट केव्ज् प्रिझर्व्हेशन ॲण्ड रिस्टोरेशन संस्थे मार्फत भाजे बुद्ध लेणींवर कार्यशाळा संपन्न:
या कार्यक्रमास प्रमुख मार्गदर्शक प्राचीन लिपी तज्ञ व पुरातत्वविद: अशोक नागरे सर उपस्थित होते या कार्यक्रमाची सुरुवात बुद्ध वंदनेने झाली व अशोक नागरे सरांनी अभ्यासात्मक दृष्टीने लेणी समजावून सांगितली हा २२ लेण्यांचा समूह आहे यामध्ये अतिशय सुंदर अप्रतिम असा चैत्यगृह आहे या चैत्यगृहा मध्ये २७ अष्टकोनी खांब आहेत या मधोमध सुंदर असा स्तूप आहे या लेणी समुहात १२ शिलालेख सातवाहन कालीन धंम्म लिपीमध्ये कोरलेले आहेत त्या शिला लेखा मध्ये लेणी दान देणाऱ्या दान दात्यांची नावे कोरलेली आहेत या लेणी समुहात १४ स्तूपांची गॅलरी आहे व सुंदर अप्रतिम अशी शिल्पे कोरलेली आहेत पिण्याच्या पाण्यासाठी पाण्याच्या टाक्या (पोड्या) आहेत.
ही लेणी सुंदर निसर्गरम्य ठिकाणी आहे या लेणीतील शिल्पकलेची माहिती, प्रभाकर जोगदंड सर यांनी दिली व लेणीतील शिलालेखांचे वाचन वंदना झाल्टे, कल्पना कांबळे, चंदा बोके, लता गायकवाड, ह्या विद्यार्थ्यांकडून सुनील खरे व संतोष वाघमारे यांनी करून घेतले व त्याचा अर्थ समजाऊन सांगितला या कार्यक्रमाचे सूत्रसंचालन, कविता खरे मॅडम यांनी केले व प्रस्तावना सुनील खरे यांनी केली या कार्यक्रमास उपस्थित, विकास खरात, सुरेश जाधव, मनोज गजभार, विकास भालेराव, शशिकांत निकम, भिकाजी सुरडकर, रितेश गांगुर्डे, विजय कापडणे, गौतम कदम, संतोष आंभारे, अमोल शेलार, प्रशांत आगळे, समाधान सोनवणे, रवी कांबळे, संतोष देवकाते, हर्षद बडेकर, राहुल कांबळे आदी उपस्थित होते या कार्यशाळेसाठी नाशिक येथून आलेल्या बांधवांची चहा, नाश्त्याची व्यवस्था विकास भालेराव यांनी केली व जेवणाची व्यवस्था पुण्यातील अशोका बहुउद्देशीय संस्थेने केली यामध्ये कांताबाई ढवळे, इंदुबाई कांबळे व कौशल्य गजभार यांची खूप मोठी मदत झाली.
महाराष्ट्रात १००० च्या आसपास बुद्ध लेणी असून प्रत्येक लेणींवर पर्यटन मोठया प्रमाणावर येत असतात, पुरातत्त्व विभागास ह्या माध्यमातून मोठा निधी मिळत असतो मात्र विकासकामे करण्यासाठी पुरातत्व विभाग का हलगर्जीपणा करते हे विचार करावयास भाग पाडणारे आहे, नाशिक, औरंगाबाद, जुन्नर, रायगड, ह्या ठिकाणी असलेल्या कोणत्याही लेणींवर शौचलयाची सुविधा उपलब्ध नाही,
पुरातत्व विभागाने लेणींवर येणाऱ्या बांधवांसाठी शौचालयाची व्यवस्था करावी, महिला वर्ग मोठ्या प्रमाणावर येथे येत असतो मात्र ह्या ठिकाणी लघुशंकासाठी कोणतेही सुविधा पुरातत्व विभागाने केली नसल्याने लेणी अभ्यासकानी तक्रार बुक मध्ये नोंदवली असून लवकरच ह्या सुविधा पुरातत्व विभागाने पूर्णत्वास न्याव्यात अशी मागणी समस्त लेणी प्रेमी व अभ्यासकांकडून होत आहे.
महत्त्वाची टीप : सर्वांनी आपली काळजी घ्या, घरी सुरक्षित रहा, पौष्टिक आहार घ्या, सतत गरम पाणी प्या, तसेच दररोज नियमित व्यायम करा आणि कोरोना पासुन दहा हात लांब रहा.