न्यूज अपडेट: अनुसूचित जमातीच्या मुलींना शिक्षणासाठी देण्यात येणारी “पंडित दीनदयाळ उपाध्याय योजना” फक्त कागदावरच..!!
न्यूज अपडेट: अनुसूचित जमातीच्या मुलींना शिक्षणासाठी देण्यात येणारी “पंडित दीनदयाळ उपाध्याय योजना” फक्त कागदावरच..!!
● वसतिगृहमध्ये प्रवेश न मिळालेल्या अनुसूचित जमातीच्या मुलींना शिक्षणासाठी देण्यात येणारी “पंडित दीनदयाळ उपाध्याय योजना ” फक्त कागदावरच दिसत आहे.
पनवेल (प्रतिनिधी) :- सदरील योजनेची सन 2020-2021 व सन 2021-22 या दोन्ही वर्षाच्या निधीचा लाभ विद्यार्थिनींना अद्याप झालेला नाही. वारंवार कार्यालयात चकरा मारून देखील कोणतीच भूमिका घेतली जात नाही. सतत चाल ढकल करून आठ दिवसात पैसे विद्यार्थिनीच्या खात्यात जमा होतील. आमचे प्रयत्न चालू आहेत अशा प्रकारची निरर्थक आश्वासने देण्यात आली आहेत. आज कॉलेज ऑफलाइन पद्धतीने सुरू होत आहेत. विद्यार्थिनींचे प्रॅक्टिकल चालू झाले आहेत. अशा परिस्थितीत डहाणू , जव्हार , विक्रमगड , मोखाडा , वाडा , तलासरी या भागात राहणाऱ्या विद्यार्थिनींना रोजचा प्रवास करून येणे कसे शक्य नाही. वसतिगृहात प्रवेश नाही शिवाय हक्काचा सहाय्यक निधी नाही. बाहेर रूम घेऊन राहायला या मुलींकडे पैसे नाहीत. मागासवर्गीयांनी शिक्षण घेऊच नये अशी यंत्रणा उभी केली जात आहे. आज आदिवासी मुलींचे शासकीय वसतिगृह पनवेल येथे या मुली आंदोलनासाठी बसल्या आहेत तरीही अधिकारी निद्रिस्थ अवस्थेत आहेत.
एकीकडे शासन मुली शिकण्यासाठी प्रयत्न करताना दिसून येत असताना असे वातावरण पाहण्यात येते ही लाजिरवाणी गोष्ट म्हटली तर वावगे ठरणार नाही. सदर घटनेला वाचा फोडण्यासाठी आणि या योजनेचा लाभ संबंधित विद्यार्थिनींना मिळावा ह्यासाठी त्यांनी आंदोलन सुरु केले आहे. अशी माहिती आंबेडकर स्टुडंट असोसिएशनच्या महिला उपाध्यक्षा सविता शिंगडा यांनी माध्यमांशी बोलताना दिली.
तसेच, या आंदोलनाला पाठिंबा देण्यासाठी आजाद समाज पार्टी महिला मोर्चा महाराष्ट्र प्रदेश अध्यक्षा नेहाताई शिंदे, कोषाध्यक्षा राजश्रीताई अहिरे, रायगड जिल्हा महासचिव करूणाताई सोनवणे, पनवेल शहर अध्यक्षा विद्याताई जाधव, क्रांतिज्योत महिला विकास फाउंडेशनच्या अध्यक्षा रूपाली शिंदे, जनशक्ती संघटना महाराष्ट्रा राज्य नवी मुंबई अध्यक्षा विनिता बर्फे, ॲड. सिद्धार्थ इंगळे, आंबेडकर असोशियट्सचे आनंदराज घाडगे यावेळी उपस्थित होते.