घणसोली येथे राहणारे गणेश मूर्तिकार सोपान खाडे यांचा मुंबईचा राजा चिंतामणी गणेश उत्सव मंडळाच्या वतीने सन्मान:
घणसोली येथे राहणारे गणेश मूर्तिकार सोपान खाडे यांचा मुंबईचा राजा चिंतामणी गणेश उत्सव मंडळाच्या वतीने सन्मान:
माथेरानच्या डोंगरात रेल्वे मोटारमन राजाराम खडे यांना दगडात गणपती दिसला आणि त्या ५४ फुटाच्या दगडात निसर्ग राजा गणपती साकारला. त्या निसर्ग राजा गणपतीची रंगसंगती आणि ठेवणं साकारणारे गणेश मूर्तिकार सोपान खाडे यांचा मुंबईचा राजा म्हणून ओळखला जाणाऱ्या चिंतामणी गणेश उत्सव मंडळाच्या वतीने सन्मान करण्यात आला. माथेरानच्या डोंगरात निसर्गराजा कड्यावरचा गणपती असून त्या गणेशची निर्मिती १४ वर्ष मेहनत घेवून दगडात मूर्ती साकारण्याचे काम राजाराम खाडे यांनी तर त्या दगडातील मूर्तीमध्ये जिवंतपणा आणण्यासाठी आखणी तसेच रंगसंगतीचे काम मूर्तिकार सजावट सोपान खाडे यांनी केले.
नवी मुंबई येथील घणसोली येथील कला महाविद्यालयात कला शिक्षक राजेश आहिरे व संजय पेढे यांच्याकडून शिक्षण घेतलेले सोपान खाडे हे गणेशोत्सवामध्ये मुंबईचे राजाचे अर्थात लालबाग येथील चिंतामणी मंडळाच्या बाप्पाचे दर्शन घेण्यासाठी पोहचले होते. कड्यावराच्या निसर्गराजा गणपतीची माहिती सोशल मीडियावर सतत येत असल्याने मुंबईचा राजा म्हणून ओळख असलेल्या चिंतामणी मंडळाच्या कार्यकर्त्यांना सोपान खाडे यांच्य उपस्थिती बद्दल माहिती मिळताच मंडळाच्या माध्यमातून खाडे यांचा सत्कार करण्यात आला, तसेच प्रसाद भेट देण्यात आला.