गुरु नानक महाविद्यालयाच्या शिरपेचात मानाचा तुरा..!
मुंबई (प्रतिनिधी) :
मुंबई मधील फोर्ट येथील सेंट झेवियर्स महाविद्यालयाच्या मीडिया फेस्टिवल मध्ये सायन येथील गुरु नानक महाविद्यालयाने प्रथम क्रमांक पटकाविला असून विजेत्यांना रोख रूपये ५०,००० आणि सन्मान चिन्ह देण्यात आले.
यावेळी निखिल चौरसिया, विष्णू अज्जी, हफसा खान, प्रणय खंडागळे, जॉर्डन सिंग, लावण्या खतरी, प्रेरणा खेमानी, सौरभ शर्मा, केवल दोशी, निशा उपाध्याय या विद्यार्थ्यांचा सत्कार करण्यात आला. या यशाबद्दल पत्रकारिता आणि जनसंज्ञापन विभागाच्या प्रमुख अमरीन मोगर यांनी विद्यार्थी चे कौतुक केले व भविष्यात अशीच नवनवीन शिखरे गाठावी यासाठी शुभेच्छा दिल्या. याखेरीज महाविद्यालयाच्या प्राचार्या. डॉ.पुष्पिंदर भाटिया यांनी देखील विद्यार्थ्याना आशीर्वाद देऊन पुढील वाटचालीसाठी शुभेच्छा दिल्या आहेत. या यशाबद्दल महाविद्यालयातील सर्वच स्तरातून विद्यार्थ्यांचे कौतुक होत आहे.