सानपाडा येथे श्री. दत्त मंदिर विद्यालयात वार्षिक स्नेहसंमेलन कार्यक्रम संपन्न:
यावेळी शाळेतील शिक्षकांनी सांगितले की खाजगी शाळेत ज्या पालकांची फी भरण्याची आर्थिक परिस्थिती नसते, असे एक हजार गरीब व गरजू विद्यार्थी या शाळेत शिकत असून त्यांच्या कलागुणांना वाव देण्यासाठी हा कौतुक सोहळा आयोजित करण्यात आला होता. यावेळी माजी नगरसेवक सोमनाथ वासकर यांच्या वतीने भोजनाची ही व्यवस्था करण्यात आली तसेच विद्यार्थ्यांना कोरिओग्राफी, ड्रेस कोड हे सुद्धा माजी नगरसेवक सोमनाथ वासकर यांच्या स्वनिधीतून करण्यात आले, दरवर्षीप्रमाणे या वर्षी ही चांगले सहकार्य त्यांच्याकडून मिळाले.
यावर्षी वार्षिक स्नेहसंमेलनात पहिली ते दहावीच्या विद्यार्थी विद्यार्थिनींनी संस्कृती भारताची या विविध गायनाच्या स्पर्धेमध्ये सहभाग घेतला होता. गायन स्पर्धेत उत्कृष्ट कामगिरी केल्याबद्दल दोन विद्यार्थ्यांना मा नगरसेवक सोमनाथ वास्कर व मा नगरसेविका कोमल वास्कर यांनी या दत्तक घेतले व त्यांचा पुढील गायनाचा खर्च नगरसेवक वास्कर कुटुंब करणार आहे.
या कार्यक्रमाला शाळेचे सेवानिवृत्त मुख्याध्यापक, आदर्श शिक्षक राष्ट्रपती पुरस्कार विजेते अय्याउद्दीन शेख सर, पोर्ट ट्रस्ट कामगार दिवाळी अंकाचे कार्यकारी संपादक मारुती विश्वासराव, मा नगरसेवक सोमनाथ वास्कर, मा नगरसेविका कोमल वास्कर महिला विभागसंघटक कविता ठाकुर, नेहा वास्कर शिवसेना उपशहरप्रमुख सुनील गव्हाणे, विभागप्रमुख अजय पवार, आशिष वास्कर, उपविभागप्रमुख तानाजी चव्हाण, संजय पाटिल, शाखाप्रमुख दत्तात्रय कुरले, अतुल डेरे, रवि देशमुख, रणधीर सुर्वे, प्रल्हाद गायकवाड, बबन ठाकुर, प्रमोद ठाक़ुर, डॉ. भूषण जैन, ७.५० गार्डन ग्रुप, वाडा ग्रुप आणि श्री दत्त मंडळाचे सदस्य आदी मान्यवर उपस्थित होते. मुख्याध्यापिका जयश्री विधाटे व मुख्याध्यापक मंगल भोईर यांनी सर्व शिक्षक, विद्यार्थी व पालकांचे आभार मानले.
कार्यक्रमाचे निवेदन श्रीमती स्मिता धमामें यांनी केले तर विद्यार्थ्यांचे नृत्य ईशांत ठाकुर / हिनल ठाकुर यांच्या नृत्यांगणा डान्स अकैडमी हयांनी बसवुन घेतले. कार्यक्रम यशस्वी पार पाडण्यासाठी सर्व शिक्षक वर्ग व शाळेने बहुउद्देशीय कामगिरी पार पाडली.